"ترت ورلد فوروم" دونیاداکی گونجل مؤوضوع لاری یئنیدن گوندمه گتیرهجک
تورکیه رادیو و تلویزیون قورومونون (ت.ر.ت) باش مودیری ابراهیم ارن "ت.ر.ت ورلد فورومو"ندا هر زامان اولدوغو کیمی بو ایل ده قلوبال گوندمین نبضینی توتان مؤوضوع لاری موباحیثه ائتمگی مقصد گؤتوردوکلرینی سؤیلهییب.
تورکیه رادیو و تلویزیون قورومونون (ت.ر.ت) باش مودیری ابراهیم ارن "ت.ر.ت ورلد فورومو"ندا هر زامان اولدوغو کیمی بو ایل ده قلوبال گوندمین نبضینی توتان مؤوضوع لاری موباحیثه ائتمگی مقصد گؤتوردوکلرینی سؤیلهییب.
ابراهیم ارن بو ایل "پاندمیدن سونرا دونیادا اولوسلار آراسی دوزون و دییشن دینامیکلر" باشلیغی ایله 1-2 دسامبر تاریخلرینده 4-جو دفعه "ت.ر.ت ورلد فورومو"نون لاییحهسینی حاضیرلادیقلاری ایلک گونلرده اینسانی و ویجدانی مرکزده ساخلایان بیر آنلاییشلا قلوبال پروبلئملره حل یوللاری تکلیف ائدن اولوسلار آراسی بیر موذاکیره پلاتفورمو اولماغی هدفلدیکلرینی ایفاده ائدهرک، بونا سون 3 ایلده گؤزلنتیلرینین چوخ اوزرینده نایل اولدوقلارینی دیله گتیریب.
"ترت ورلد فورومو 2020"-نین یئنی نوع کروناویروس (کووید-19) اپیدمی سی سببیله آنلاین کئچیریله جگینی ایفاده ائدن ابراهیم ارن "همیشه اولدوغو کیمی، بو ایل ده دونیا گوندمینین نبضینی توتان مسئلهلری موذاکیره ائتمگی هدفلییریک. اساس مؤوضوع لاریمیز آراسیندا "پاندمی دؤورونده یاییم و مئدیانین رولو"، "قلوبال ساغلاملیق پروبلئملرینه عمومی حل یوللاری"، "ایش و تحصیل سئکتورونون گلهجگی" و بو دؤورده" اینسانی یاردیم" کیمی مؤوضوع لار فورومدا موباحیثه اولوناجاق اساس باشلیقلاری تشکیل ائدیر" دئییب.
نیت و هدفلرینین سون درجه آچیق اولدوغونو دیله گتیرن ت.ر.ت-نین باش مودیری ابراهیم ارن، تورکیهنین ده داخیل اولدوغو جوغرافیا باشدا اولماقلا دونیا میقیاسیندا بیر مودتدیر داوام ائدن بیر آختاریش دؤورونون داوام ائتدیگینه ایشاره ائدیب.
ارن اؤزلرینین ده بو آرایش پروسه سینه تحفه وئرمک ایستهدیکلرینی، حل تکلیفلرینین، باش وئرنلرین دونیایا چاتدیریلماسیندا واسیطه چی اولماغی، فرقلی فیکیرلرین موباحیثه اولونا بیلمهسینه زمین یاراتماغی مقصد گؤتوردوکلرینی وورغولاییب.
ت.ر.ت-نین باش مودیری ابراهیم ارن دئییب کی، وب سایتی اوچون قئیدیاتدان کئچن هر کس بو ایل هم آچیق ایجلاس لاردا، هم پارالل ایجلاسلارا، هم ده آنلاین ایجلاسلارا قاتیلا بیلهجک. همین زاماندا آچیق ایجلاس لاریمیز سوسیال مئدیا حسابلاریمیزدان تعقیب ائدیله بیلهجک. کئچن ایل 2 میندن چوخ اینسانین قاتیلدیغی "ت.ر.ت ورلد فوروم" بو ایل داها چوخ ویرتوال کئچیریلهجک تدبیرده داها ایزدیهاملی ایشتیراک گؤزلییر.
ت.ر.ت حاضیردا صاحب اولدوغو جیهازلار و فرقلی پرسپکتیولرله قلوبال سویهده تأثیرینی گؤسترن بیر مارکایا چئوریلیب. حیاتا کئچیردیگیمیز لاییحه و معلوماتلاندیرما کامپانیالاری ایله تورکیه-نین اجتماعی یاییمچیسی اولاراق مئدیا واسیطهلریله توپلومو ماراقلاندیران اساس مسئلهلره دقت چکمگی، جمعیتی گوجلندیرمگی اهمیتلی بیر مسئولیت اولاراق گؤروروک.
ابراهیم ارن ت.ر.ت-نین اولوسلار آراسی پلاتفورمالارداکی مؤوجودلوغونو اینسانلیغا، باریشا، ریفاها و عدالته خیدمت ائدهرک داوام ائتدیرمهیه ده اهمیت وئردیکلرینی دئییب.
ایلگیلیلی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفادهلردن قاچینماسی حیاتی اؤنمه صاحبدیر"