تورکیه-‌ده کروناویروس‌دان ساغالان‌لارین سایی 313 مینی کئچیب

تورکیه-‌ده سون گون عرضینده کروناویروس‌دان (کووید-19) 69 نفر اؤلوب.

بو باره‌ده تورکیه-‌نین ساغلیق ناظیری فخرالدین کوجا بیلدیریب.

ناظیر آچیقلاماسیندا قئید ائدیب کی، سون 24 ساعاتدا 113 مین 427 شوبهه‌لی کروناویروس تستیندن کئچیب، اونلاردان 2091-نین جاوابی پوزیتیو چیخیب، 1573 خسته ایسه ساغالا‌راق ائوه بوراخیلیب.

آغیر خسته سایی 1699 نفر اولوب.

تورکیه-‌ده عمومی‌لیکده 359 مین 784 نفر یئنی نوع کروناویروس انفکسیونونا یولوخوب، ایندییه‌دک اونلاردان 9727 نفر اؤلوب.

فخرالدین کوجا اؤلوم و آغیر خسته سایی‌نین آرتماسیندان ناراحات‌لیغینی ایفاده ائده‌رک بیلدیریب کی، کووید-19-ا  یولوخمانین 40 فایزینه ایستانبول-دا راست گلینیب و ناظیر 5 گون عرضینده ایستانبول-دا گرگین ایش رژیمینده فعالیتده اولا‌جاق‌لارینی دئییب.