تورکیه-‌ده کروناویروس‌دان ساغالان‌لارین سایی 297 مینه چاتیر

تورکیه-‌ده سون 24 ساعات عرضینده داها 62 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده تورکیه-‌نین ساغلیق ناظیری فخر الدین کوجا بیلدیریب.

ناظیر بیلدیریب کی، کروناویروس‌دان اؤلن‌لرین عمومی سایی 8 مین 957 نفره چاتیب.

اونون سؤزلرینه گؤره، اؤلکه‌ده 1632 یئنی یولوخما حالی قئیده آلینیب، یولوخان‌لارین عمومی سایی 338 مین 779 نفره چاتیب.

ناظیر علاوه ائدیب کی، اؤتن گون کروناویروس‌دان 1314 نفر ساغالیب، کروناویروس‌دان ساغالان‌لارین عمومی سایی 296 مین 972 نفر تشکیل ائدیر.