هاکان فیدان اسکوپیه-ده گوروشلر کئچیریب

خاریجی ایشلر ناظیری هاکان فیدان قوزئی مقدونیه-نین پایتاختی اسکوپیه-ده پرزیدنت گوردانا سیلیانوفسکا داوکووا و مونته نگرو پرزیدنتی یاکوف میلاتوویچ طرفیندن قبول ائدیلیب.

2153170
هاکان فیدان اسکوپیه-ده گوروشلر کئچیریب

خاریجی ایشلر ناظیری هاکان فیدان قوزئی مقدونیه-نین پایتاختی اسکوپیه-ده پرزیدنت گوردانا سیلیانوفسکا داوکووا و مونته نگرو پرزیدنتی یاکوف میلاتوویچ طرفیندن قبول ائدیلیب.

خاریجی ایشلر ناظیرلیگی‌نین ایکس سوسیال مئدیا حسابیندا ائدیلن پای‌لاشیمدا، ناظیر فیدانین اسکوپیه-ده کئچیریلن گونئی-دوغو آوروپا اؤلکه‌لری‌نین (SEEC) دؤولت و حکومت باشچی‌لاری ذیروه‌سی چرچیوه‌سینده قوزئی مقدونیه پرزیدنتی گوردانا سیلیانوفسکا داوکووا و مونته نگرو پرزیدنتی میلاتوویچ ایله گؤروشدوگو بیلدیریلیب.

میلاتوویچ  ایکس حسابیندا فیدان ایله گؤروشو ایله باغلی بون‌لاری دا قئید ائدیب:

"مونته نگرو و تورکیه ایکی دوست اؤلکه، متفیق و اقتصادی طرفداش‌دیر. بیز امکداشلیغیمیزی گوجلندیرمه‌یه و مومکون اولان ان یاخشی علاقه‌لری قورماغا داوام ائدجییک. تورکیه خاریجی ایشلر ناظیری ایله گؤروشوموزون اساس مئساژی بو اولدو".

فیدان داها سونرا پرزیدنت رجب طیب اردوغانی تمثیلن گونئی-دوغو آوروپا امکداش‌لیق سوره‌جی (GDAÜ) دؤولت و حکومت باشچی‌لاری ذیروه‌سینه قاتیلیب.

گونئی-دوغو آوروپانین بوتون 13 ایشتیراکچی‌سینی احاته ائدن یگانه بولگه‌سل امکداش‌لیق فورومو اولان گونئی-دوغو آوروپا امکداش‌لیق سوره‌جی 1996-جی ایلده گونئی-دوغو آوروپا اؤلکه‌لری‌نین خاریجی ایشلر ناظیرلری‌نین گؤروشونده قبول ائدیلمیش بیاننامه ایله یارادیلمیش‌دیر.



ایلگیلی‌لی خبرلر