خاریجی ایشلر ناظیری مولود چاووش اوغلو لیبی-ده سفرده دیر

خاریجی ایشلر ناظیری مولود چاووش اوغلو مالتا-‌لی همکاری اواریست بارتولو ایله لیبی-یه سفر ائدیب.

تورکیه-‌نین لیبی ایله علاقه دار دیپلوماتیاسی داوام ائدیر. خاریجی ایشلر ناظیرلیگی‌نین وئردیگی معلوماتا گؤره، خاریجی ایشلر ناظیری مولود چاووش اوغلو بو گون مالتا‌لی همکاری اواریست بارتولو ایله ایشگوزار مقصدلی اولا‌راق لیبی-یه سفر ائدیب.

سفر زامانی اوچ اؤلکه‌نین اورتاق گوندلیگیندکی مسئله‌لرین موذاکیره ائدیله جگی وورغولانیب.

سفر زامانی چاووش اوغلو لیبی آنکارا-مسکو خطینده کی آتشکس دانیشیق‌لاری ایله باغلی معلومات وئره‌جک و بؤلگه‌دکی سون وضعیت باره‌ده معلومات آلا‌جاق.

قئید ائدک کی، ژوئن آیی نین اوولینده لیبی-نین باش ناظیری سرراج آنکارا-یا سفره گلدی. سونرا تورکیه-‌دن چوخلو سایدا صلاحیت‌لی‌نین ایشتیراک ائتدیگی هئیت آنکارا-‌دان طرابلس-ا گئدیب.