حولوصی آکار:"خفتره یاردیم و دستکین ان قیسا مدتده دایاندیریلمالیدیر"
آکار پایتاخت آنکارا-دا مالت و لیبی ناظیرلری ایله ثمره‌لی گؤروش‌لر کئچیردیک‌لرینه دایر آچیقلاما وئریب.
میللی مودافعه ناظیری حولوصی آکار لیبی-ده باریشین، دینجلیگین و تورپاق بوتؤو‌لوگونون تامین ائدیلمه‌سینه مانع اولان عصیانچی خفتره یاردیم و دستکین ان قیسا مدتده دایاندیریلماسی‌نین واجیب‌لیگینی بیلدیریب.
آکار پایتاخت آنکارا-دا مالت و لیبی ناظیرلری ایله ثمره‌لی گؤروش‌لر کئچیردیک‌لرینه دایر آچیقلاما وئریب.
ناظیر دئییب کی، آغ دنیزینده کی باریش و ثابت‌لیگه وئرجگیمیز تحفه و گؤستردیگیمیز سعی‌لریمیزین ساده‌جه بؤلگه‌میز اوچون دئییل، همین زاماندا بوتون دونیا اوچون ده اهمیت‌لی بیر مدل اولاجاغینا اینانیرام.
آکارین دعوتی ایله میللی مودافعه ناظیرلیگینده لیبی-نین ایچ ایشلر ناظیری فتحی باش آغا ایله مالت-ین میللی تهلوکه‌سیزلیک و ایچ ایشلر ناظیری بایرون جامیللئری‌نین ایشتیراکی ایله کئچیریلن اوچلو ایجلاسدان سونرا مطبوعاتا آچیقلاما وئریلیب.
تورکیه-نین اولوسلار آراسی ساحه‌دکی مسئولیتی‌نین گئتدیکجه آرتدیغینی وورغولایان آکار دئییب:
"دئیه بیلرم کی، بو چرچیوه‌ده گؤستردیگیمیز تهلوکه‌سیزلیک و ثابت‌لیگه تحفه وئرمه سعی‌لریمیز مثبت بهره‌سینی وئرمه‌یه باشلاییب. بمت طرفیندن تانینان میللی هم رای‌لیک حکومتی ایله گؤرولن ایشلر چرچیوه‌سینده لیبی-ده کی فعالیت‌لر داوام ائدیر. حربی تعلیم، امکداش‌لیق و مصلحت فعالیت‌لریمیز ده ائله‌جه. هر کسین لیبی-لی قارداش‌لاریمیزین یانیندا اولدوغوموزو بیلمه‌سینی ایستییرم. بو مؤوضوعدا سعی‌لریمیز بو گونه قدر داوام ائتدی و وورغولاماق ایستردیم کی، لیبی-لی قارداش‌لاریمیزلا بمت طرفیندن تانینان حکومتله امکداشلیغیمیز داوام ائده‌جک‌دیر. بو مقصده چاتماقدا ان بؤیوک مانع‌نین قیامچی خفتر اولدوغونو بیلیریک. بونا گؤره لیبی-ده باریش، امین-آمان‌لیق، اعتیماد و تورپاق بوتؤو‌لوگونون تامین ائدیلمه‌سینه مانع اولان خفتره بوتون یاردیم‌لارین و دستکین درحال کسیلمه‌سی واجیب‌دیر".
حولوصی آکار تورکیه ایله مالت و لیبی آراسیندا کؤک‌لو تاریخی علاقه‌لرین اولدوغونا دا توخونا‌راق، "من دئمک ایستییرم کی، ایکی دیرلی دوستومون دیرلی فیکیرلرینی دینلمک‌دن و اونلارلا عمومی فیکیرلریمیزی بؤلوشمک‌دن ممنونام. لیبی-ده کی سیاسی حل مسئله‌سینده مالتانین قرارلی و یاپیجی موناسیبتینه گؤره بیر داها تشککور ائدیرم" دئییب.
"اینانیرام کی، آرامیزداکی دیالوق، امکداش‌لیق و فعالیت‌لر گله‌جک دؤورده ده داوام ائده‌جک و گؤسترجگیمیز فعالیت‌لر هم لیبی-نین هم ده بؤلگه‌میزین ثابت‌لیگینه تحفه وئره‌جک" دئیه ناظیر حولوصی آکار وورغولاییب.
