تورکیه-‌ده سون گون عرضینده کروناویروس‌دان 115 نفر اؤلوب

تورکیه-‌ده سون 24 ساعات عرضینده داها 115 نفر یئنی نوع کروناویروس‌دان (کووید-19) دونیاسینی دییشیب.

بو باره‌ده اؤز تویتر صحیفه‌سینده تورکیه-‌نین ساغلیق ناظیری فخرالدین قوجا بیلدیریب.

ناظیر بیلدیریب کی، کروناویروس‌دان اؤلن‌لرین عمومی سایی 1518 نفره چاتیب.

اؤلکه‌ده 4 مین 281 یئنی یولوخما حالی قئیده آلینیب، یولوخان‌لارین عمومی سایی 69 392 نفره چاتیب.

اونون سؤزلرینه گؤره، اؤتن گون عرضینده 875 نفر ساغالیب، ساغالان‌لارین عمومی سایی 5 674 نفر تشکیل ائدیر.