اؤلدورولن تروریست ساییسی آرتیر
بؤلوجو ترور هؤرگوتلری پکاکا/پید-یپگ و داعشه قارشی ۹ اکتبردا باشلاتدیغی باریش بولاغی عملیاتی اوغورلا داوام ائدیر
![اؤلدورولن تروریست ساییسی آرتیر](http://cdn.trt.net.tr/images/xlarge/rectangle/c1f8/07e9/291e/5d9df20184bc3.jpg?time=1719266495)
سوریهنین قوزئیینده فرات چایینین دوغوسوندا اوغورلا داوام ائدن باریش بولاغی عملیاتی چرچیوهسینده ائتکیسیزلشدیریلهن توپلام پکاکا/پید-یپگ منسوبو تروریست ساییسی ۴۱۵ اولدو.
تورک سلاحلی گوجلرینین سوریهنین قوزئیینده فرات چایینین دوغوسوندا بؤلوجو ترور هؤرگوتلری پکاکا/پید-یپگ و داعشه قارشی ۹ اکتبردا باشلاتدیغی باریش بولاغی عملیاتی اوغورلا داوام ائدیر.
میللی ساوونما باخانلیغینین سوسیال مئدیا تویتر حسابیندان ائدیلن پایلاشیمدا، عملیات چرچیوهسینده ائتکیسیزلشدیریلهن توپلام پکاکا/پید-یپگ منسو بوتروریست ساییسینین ۴۱۵ اولدوغو بیلدیریلدی.
اؤته یاندان، میللی ساوونما باخانلیغی، فیرات چایینین دوغوسونداکی آمریکا بیرلشمیش دؤولتلرینین گؤژلم نقطهسینه آتیش ائدلدیگی ادعالارینین گرچک اولمادیغینی بیلدیردی.
آمریکا ساوونما باخانلیغی (پنتاگون) یئتکیلیسی، سوریهده عین العرب (کوبانی) یاخینلاریندا آمریکا عسگرلرینه عاید بیر گؤزلم نقطهسینین یاخینلاریندا پاتلاما الدوغونو، آنجاق بو پاتلامانین کیملر طرفیندن حیاتا گئچیریلدیگینی هله معین ائدهممهدیکلرینی بیلدیردی.
آدینین آچیقلانماسینی ایستهمهیهن بیر پنتاگون یئتکیلیسی، ژورنالیستلره وئردیگی آچیقلامادا، بؤلگهده سالدیری ادعالارینا دایر "کوبانی یاخینلاریندا حربی مرکزین دئییل، حربی گؤزلم نقطهسینین یاخینلیغیندا پاتلاما باش وئردیگینین فرقیندهییک" دئدی.
پاتلامانین آیرینتیلارینا دایر معلومات توپلاماغا داوام ائتدیکلرینی ایفاده ائدن یئتکیلی، "سالدیریدا هئچ بیر آمریکا عسگری ضرر گؤرمهدی. سالدیرینین کیم طرفیندن حیاتا گئچیریلدیگینی هله بیلمیریک" دئیه دانیشدی.
یئتکیلی، "آمریکا عسگرلرینه قارشی بیلینجلی بیر سالدیری اولدوغونا اینانمیریق" دئدی.
ایلگیلیلی خبرلر
![فیدان چکلی همکاری ایله گؤروشهجک](http://cdn.trt.net.tr/images/medium/rectangle/f3a7/fb54/52ee/664f442c1ccb4.jpg?time=1719266496)
فیدان چکلی همکاری ایله گؤروشهجک
تورکیه خاریجی ایشلر ناظیری صاباح پایتاخت آنکارادا چکلی همکاری یان لیپاوسکی ایله گؤروشهجک.
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719266496)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"