فیدان چک‌لی همکاری ایله گؤروشه‌جک

تورکیه خاریجی ایشلر ناظیری صاباح پایتاخت آنکارادا چک‌لی همکاری یان لیپاوسکی ایله گؤروشه‌جک.

2155413
فیدان چک‌لی همکاری ایله گؤروشه‌جک

 

تورکیه خاریجی ایشلر ناظیری، هاکان فیدان صاباح پایتاخت آنکارادا چک‌لی همکاری یان لیپاوسکی ایله گؤروشه‌جک.

گؤروشمه زامانی ایکیطرف‌لی موناسیبتلر موختلیف ابعاددا نظردن کئچیریله‌جک و مؤوجود امکداشلیغین درینلشدیریلمه‌سی اوچون آتیلاجاق آددیملار موذاکیره اولوناجاق.

ناظیر فیدانین تورکیه‌نین آوروپا بیرلگینه عضولوک پروسه‌سی باغلامیندا چک و آوروپا بیرلگیندن گؤزلنتیلرینی قوناق ناظیره بیل‌دیرمه‌سی گؤزلنیلیر.

ایسرائیلین فیلیسطینه هوجوملاری و اوکراینا ساواشی باش‌دا اولماقلا بیرلیکده بؤلگه‌سل حادثه‌لرین موذاکیره ائدیله‌جگی گؤروشمه‌ده تورکیه ایله چک آراسین‌دا اقتصادی علاقه‌لرین گوند‌مده اولماسی گؤزلنیلیر.

ایکی اؤلکه آراسین‌دا 5.8 میلیارد دولاری کئچه‌ن تیجارت حجمینین یئنی هدفی 10 میلیارد دولار اولاراق تعیین اولوندو.



ایلگیلی‌لی خبرلر