"حولوصی آکار:"تورکیه عسگری سوریه-ده ده خالقین یانیندا ترورچولارین قارشی‌سیندا اولا‌جاق"
میللی مودافعه ناظیری حولوصی آکار تورکیه عسگری‌نین سوریه-ده ده خالقین یانیندا ترورچولارین قارشی‌سیندا اولاجاغینی سؤیله‌دی.
میللی مودافعه ناظیری حولوصی آکار تورکیه عسگری‌نین سوریه-ده ده خالقین یانیندا ترورچولارین قارشی‌سیندا اولاجاغینی سؤیله‌دی.
حولوصی آکار تورکیه سلاح‌لی قوه‌لری طرفیندن فرات چایی‌نین دوغوسوندا "باریش بولاغی" آدی آلتیندا حیاتا کئچیریلن عملیات ایله علاقه‌دار پرزیدنت رجب طیب اردوغانین باشچیلیغیندا تشکیل ائدیلن "باریش بولاغی حرکاتی کووردیناسیون ییغینجاغیندان سونرا آچیقلاما وئردی.
ایندیدک اولدوغو کیمی "باریش بولاغی" حرکاتیندا دا گوناهسیز معصوم اینسان لارین، تاریخی اثرلرین، مدنیت و دینی اثرلرین توخونولماز اولدوغونو وورغولایان حولوصی آکار "ساده‌جه اؤلکه‌میزین و میللتیمیزین دئییل، بؤلگه‌میزده یاشایان دینی و ائتنیک قروپ‌لارین دا تهلوکه‌سیزلیگینه بؤیوک اهمیت وئریریک" دئدی.
تورکیه-سوریه سرحدینده یارادیلماسی پلان‌لاشدیریلان تهلوکه‌سیزلیک بؤلگه‌سی‌نین موهاجیرلرین ائولرینه قاییتماسی اوچون ان منطق‌‌لی و اینسانی سئچیم اولاجاغینی وورغولایان ناظیر آکار "سوریه ایله اولان 911 کیلومترلیک سرحدیمیزده بیر ترور دهلیزی یارادیلماسینی اصلا قبول ائتمیریک" دئیه بیلدیردی.
