اردوغان رویترزه دانیشدی
"ناتو اورتاغینیزا پوللا وئردیگینی تروریستلره پولسوز وئریرسینیز"
جمهورباشقانی رجب طیب اردوغان، آمریکا بیرلشمیش دؤولتلرینین تورکییه ایله ساواشان تروریستلره سلاح وئردیگینی سؤیله‌دی.
اردوغان، رویترزه وئردیگی اؤزل مصاحیبه‌ده، گوندمه دایر قونولاری دگرلندیردی و سواللاری جاوابلاندیردی.
پرزیدنت اردوغان، ترور هؤرگوتو یپگ/پیدنین بؤلوجو ترور هؤرگوتو پ‌کاکانین بیر قولو اولدوغونو آنجاق بونو باتییا آنلاداممادیقلارینی بیلدیردی،
"آمریکا، بورایا اون مینلرجه تریلی دولوسو مهمات گتیردی. ناتو اورتاغینیزا پوللا وئردیگینی بونلارا پولسوز وئریرسینیز. سایین ترامپ بیزی آنلاما‌لی دئیه دوشونورم. بو مشغول ائتمه سیاستی بیزیم صبریمیزی سیناما می‌دیر؟ صبریمیز ده دوغروسو داشیر. او زامان دا بیز باشیمیزا چاره قیلماق مجبوریتین‌ده قالاجاییق" شکلینده دانیشدی.
اردوغان سوریه‌نین ادلب شهرین‌ده‌کی گؤزلم نقطه‌لرین‌دن تورکییه‌نین حاضردا چکیلمه‌سینین ده سؤز قونوسو اولمادیغینی بیلدیردی،
"رژیم گؤزلم نقطه‌لریمیزله اوغراشدیغی آندا، هر هانسی بیر سالدیری ائتدیگینده ایش اورادا چوخ فرق‌لی بیر ایستیقامته گئدر، ایندیکی کیمی دورماریق" دئدی.
"اکتبر آیی باشین‌دا روسیا، آلمانیا، فرانسا ایله تورکییه‌ده بلکه دؤردلو ذیروه توپلانتیسی گئچیره‌جییک" دئیه‌ن اردوغان، ذیروه‌ده ادلب و سیغینماچیلار مسئله‌لرینین مذاکیره اولوناجاغینی دئدی.
دیگر طرف‌دن، پرزیدنت، روسیادان آلینان اس-۴۰۰لرین آوریل آیینا قدر یئرینه قویولاجاغینی بیلدیردی.
رجب طیب اردوغان،
"روسیا سو-۳۵/سو-۵۷ ساواش اوچاق‌لاری ساتماغی تکلیف ائتدی. روسیا بو قونودا ساوونما صنایعینه قارشی هر آددیم‌دا بیز واریق دئییر. اس-۴۰۰ سیستمی ایله باغلی آددیمی آتینجا بو بیزی بیر آز راحاتلاتدی، ان گئج آوریله قدر یئرلرینه مونته ائدیلمیش اولاجاق" دئدی.
پرزیدنت اردوغان، اف ۳۵لرین آلیمی و دوغو آغ دنیزده‌کی سونداژ ایشلرینه ده توخوندو.
اردوغان،
"اف ۳۵لرده اؤنوموزون تیخانماسی حالین‌دا، باشقا سئچه‌نکلر آختارماق مجبوریتین‌ده اولاجاییق" دئدی.
پرزیدنت اردوغانا دوغو آغ دنیزده‌کی قازما گرگین‌لیگی ده سوروشولدو.
اردوغان، قوزئی قیبریس تورک جمهوریتینین حاقی نه ایسه جمعیتی اورانینجا آلاجاغینی دئدی.
