ناتو باش کاتیبیندن اس-۴۰۰ یورومو
"ناتو، هر هانسی بیر عضو اؤلکه ساوونما سیستمینه انتگره ائتمه‌‌یی پلانلامیر"
ناتو باش کاتیبی ینس استولتنبرگ، تورکییه‌نین، آمریکا بیرلشمیش دؤولتلری ایله پاتریوت موشک ساوونما سیستمی آلما احتیمالی قونوسوندا یئریتدیگی دانیشیقلاری ممنونلوقلا قارشیلادیغینی، ایتالیا و فرانسا ایله ده موشک ساوونما سیستملری قونوسوندا مذاکیره حالین‌دا اولدوغونو ایفاده ائتدی.
استولتنبرگ، بلژیکین باشکندی بروکسل‌ده مطبوعات کنفرانسین‌دا تورکییه‌نین، روسیادان آلدیغی اس-۴۰۰ سیستمینین، ناتو عضولرینین سیستمینه باغلاما احتیمالینا قارشی سوالا،
"ناتو، اس-۴۰۰ سیستمینی هر هانسی بیر عضو اؤلکه ساوونما سیستمینه انتگره ائتمه‌‌یی پلانلامیر" جاوابینی وئردی.
آمریکا بیرلشمیش دؤولتلریندن سونرا روسیانین اورتا منزیللی نوکلئر گوجلر آنلاشما‌سین‌دان چکیلمه‌سینه ده توخونان استولتنبرگ، آمریکا بیرلشمیش دؤولتلرینین آنلاشمادان چکیلمه‌سینین بوتون ناتو متفیقلری طرفین‌دن دستکلندیگینی وورغولادی،
"چونکو هئچ بیر آنلاشما تک طرفین اویماسی حالین‌دا موثر اولمایاجاق. روسیا آنلاشما‌دن چکیلمه‌نین تک سوروملوسودور" دئیه دانیشدی.
آنلاشمانین لغوینین آردین‌دان ناتونون "آوروپایا نوکلئر سلاح یئرلشدیرمه‌یه‌جگینی" بیلدیرن استولتنبرگ، متفیقلرین یئنی بیر سلاحلانما یاریشین‌دان یانا اولمادیغینی قید ائتدی.
استولتنبرگ، متفیقلرین، تأثیرلی اولوسلارآراسی سلاحلارین کنترلو، یاییلماسینین قارشی‌سینین اؤنلنمه‌سی و سلاحسیزلانما قونوسوندا قرارلی‌لیغینی داوام ائتدیردیگینی وورغولادی،
"روسیانین ائتدیگینین عینی‌سینی ائتمه‌یه‌جییک. یئنی بیر سلاحلانما یاریشی ایسته‌میریک. ناتو عینی زامان‌دا، روسیانین حرکتلری مومکون قیلدیغی سۆره‌جه پروسئ‌سه یاخشی ایلیشکیلر قورماق یؤنون‌ده‌کی ایسته‌گینی داوام ائتدیریر" دئدی.
روسیا خاریجی ایشلر باخانلیغی، دونن آنلاشمانین رسما سونا چاتدیغینی بیلدیرمیش‌دی.
آمریکا بیرلشمیش دؤولتلری، سووئت سوسیالیست جمهوریتلر بیرلیگی ایله ایمضالادیغی، منزیلی ۵۰۰ ایله ۵ مین ۵۰۰ کیلومتر آراسین‌دا اولان و نوکلئر باش‌لیق تاخیلابیلن موشکلرین قاداغان اولونماسینی نظرده توتان آنلاشمادان، تک طرف‌لی چکیله‌جگینی آچیقلامیش‌دی.
