اورالاوغلو: اینکیشاف یولو پروژهسی بیتدی
اولاشدیرما و آلت یاپی ناظیری اورالاوغلو، ۱۲۰۰ کیلومترلیک دمیر یولو و اوتویوللا تورکیهنی بصره کؤرفزیندهکی فاو لیمانینا باغلایاجاق "اینکیشاف یولو پروژهسی"نین بیتدیگینی سؤیلهدی
اولاشدیرما و آلت یاپی ناظیری عبدالقادیر اورالاوغلو، ۱۲۰۰ کیلومترلیک دمیر یولو و اوتویوللا تورکیهنی بصره کؤرفزیندهکی فاو لیمانینا باغلایاجاق "اینکیشاف یولو پروژهسی"نین بیتدیگینی، آرتیق مالی قیسمینی دانیشدیقلارینی سؤیلهدی.
آلمانیانین پایتاختی برلینده آوروپانین ان بؤیوک بین الخالق نقلیات تکنولوژیلری، سیستملری و واسطهلری سرگیسی اینوترانسدا تورک شیرکتلرینی دستکلهمک اوچون اولان اورالاوغلو، تورکیهنین برلین سفیرلیگینده ژورنالیستلره شرحلر وئردی.
ناظیر اورالاوغلو، شیمال و اورتا کوریدورلار باشدا اولماق اوزره تورکیهنین تیجارت یوللارینین مرکزینده ایشتیراک ائتدیگینی، سرمایهلری بو بیلینج و بین الخالق کوریدور پرسپکتیوی ایله اله آلدیقلارینی دیله گتیردی.
"شیمال کوریدور"ون گئچدیی بؤلگهده روسیا-اوکراینا ساواشینین اولدوغونو خاطیرلادان اورالاوغلو، "اورتا کوریدور اؤلکهمیزدن گئچیر. فیلیسطینده اولان ساواشدان اؤترو بصره کؤرفزی و سوئز کانالیندان ایستیفاده ائدن گمیلر یوزده ۳۰ دولایینا دوشموشدور. بونلار اومود بورنوندان دولاشیرلار و چیندن قالخان بیر گمی اومود بورنوندان ۴۵ گونده لندنه چاتابیلیر. بو سببدن ایرلیلهیهن زاماندا آلتئرناتیولرین اولماسی گرک" دئدی.
۱۲۰۰ کیلومترلیک دمیر یولو و اوتویوللا تورکیهنی بصره کؤرفزیندهکی فاو لیمانینا باغلایاجاق اینکیشاف یولو پروژهسینه توخونان ناظیر، پروژهلرین بیتدیگینی عراق، بیرلشمیش عرب امرلیکلری و قطر ایله مالی طرفینی دانیشدیقلارینی سؤیلهدی.
ناظیر اورالاوغلو، خصوصیله دونیا بانکینین و آوروپا بیرلیگینین سون زامانلاردا بو پروژهیه بویوک ماراغی اولدوغونو دا سؤیلهدی.
ایلگیلیلی خبرلر
اسلوواکیا باش ناظیری روبرت فیکو آنکارادا سفرده دیر
اسلوواکیانین باش ناظیری روبرت فیکو و اونون رهبرلیک ائتدیگی نوماینده هئیتی تورکیهده رسمی سفردهدیر.
