"اس-۴۰۰لر فعال شکیلده ایستیفاده ائدیلهجک"
ابراهیم قالین، پرزیدنت رجب طیب اردوغان باشقانلیغیندا باشکند آنکارادای ائدیلن کابینه توپلانتیسی داوام ائدرکن آچیقلاما وئردی
!["اس-۴۰۰لر فعال شکیلده ایستیفاده ائدیلهجک"](http://cdn.trt.net.tr/images/xlarge/rectangle/9cb4/860d/7788/5d1ee9fd2ab36.jpg?time=1719348116)
جمهورباشقانی سؤزچوسو ابراهیم قالین، روسیادان آلینان اس-۴۰۰لرین یاخین بیر مدتده تحویلینین باشلایاجاغینی و فعال شکیلده ایستیفاده ائدیلهجگینی سؤیلهدی.
ابراهیم قالین، پرزیدنت رجب طیب اردوغان باشقانلیغیندا باشکند آنکارادای ائدیلن کابینه توپلانتیسی داوام ائدرکن آچیقلاما وئردی.
قالین، اس-۴۰۰لرین یاخین بیر مدتده تحویلینین باشلایاجاغینی و فعال شکیلده ایستیفاده ائدیلهجگینی بیلدیردی،
"ناتو (اس-۴۰۰لر) سیستمی ایچریسینده یئر آلان گوونلیک سیستمیمیزه بیر تهدید و یا تهلوکه یاراداجاق بیر ساوونما سیستمی دئییل. هارا یئرلشدیریلهجگی قونوسوندا ایشلری میلی ساوونما باخانلیغیمیز، هاوا گوجلری قوموتالیغیمیز و قوت قوموتالیغیمیز بیرلیکده یئریدیرلر" ایفادهسینی ایشلتدی.
قالین، سوریه قونوسوندا داها اؤنجه آستانا پروسهسی چرچیوهسینده تورکییه، روسیا و ایرانین گرچکلشدیردیگی اوچلو ذیروهنین بیر سونراکی توپلانتیسینی آگوست آیی ایچریسینده جمهورباشقانی رجب طیب اردوغانین ائو صاحیبلیگینده تورکییهده گئچیرمهیی پلانلاشدیردیقلارینی بیلدیریدی.
ذیروه نین تاریخی اوزرینده چالیشدیقلارینی بیلدیرهن قالین، توپلانتیدا سوریه مسئلهسینین اطرافلی شکیلده مذاکیره اولوناجاغینی قید ائتدی.
سؤزچو قالین، اکتبر آییندا ایستانبولدا ائدیلن دؤرتلو ذیروهنین (تورکییه، روسیا، آلمانیا، فرانسا) ایکینجی توپلانتیسینین دا یئنه پرزیدنت اردوغانین ائو صاحیبلیگینده تورکییهده گئچیریلمهسی قونوسوندا دا گ۲۰ ذیروهسینده مخاطبلرله آنلاشدیقلارینی بیلدیردی.
قالین، آگوست آیینین سونوندا، یا دا سپتامبر آیینین باشیندا گئچیریلمهسی پلانلاشدیریلان دؤردلو ذیروهده ده سوریه باشدا اولماقلا بؤلگهدهکی عمومی گوونلیک مسئلهلرینین اطرافلی شکیلده مذاکیره اولوناجاغینی قید ائتدی.