اردوغان، ترامپ ایله گؤروشدو
"اوباما دؤورونده تورکییهیه عدالتلی داورانیلمادی"
![اردوغان، ترامپ ایله گؤروشدو](http://cdn.trt.net.tr/images/xlarge/rectangle/ace8/714c/026f/5d170c1e8a7d4.jpg?time=1719288893)
جمهورباشقانی رجب طیب اردوغان، تورکییهنین آمریکا بیرلشمیش دؤولتلری ایله دایانیشماسینین عینی شکیلده داوام ائدجگینه ایناندیغینی دئدی.
پرزیدنت اردوغان، گ۲۰ لیدئرلر ذیروهسینین گئچیریلدیگی ژاپونون اینتکس اوساکا سرگی مرکزیندهکی گؤروشمهلری چرچیوهسینده آمریکا بیرلشمیش دؤولتلری پرزیدنتی دونالد ترامپ ایله گؤروشدو.
گؤروشمهنین باشیندا قیسا بیر آچیقلاما وئرن اردوغان، ترامپ ایله دیروهده بیر آرایا گلمهلرینی چوخ آنلاملی گؤردوگونو ایفاده ائتدی.
اردوغان،
"بو آندا ۷۵ میلیارد دلارلیق اقتصادی تیجارت حجمی نقطهسیندهکی ذیروهیه دوغرو ایرلیلهمه حملهمیز وار. ساوونما صنایعینه قارشی آتدیغیمیز آددیملار، آتاجاغیمیز آددیملار وار، اما هر شئیدن اؤته بیر ایستراتژیک اورتاقلیغیمیز وار" دئدی.
بو ایستراتژیک اورتاقلیغین بیر چوخ ساحهده تورکییه-آمریکا بیرلشمیش دؤولتلری دایانیشماسینی تشویق ائتدیگینی وورغولایان اردوغان،
"بوندان سونراکی پروسهده ده بو دایانیشمامیزین عینی شکیلده داوام ائدجگینه اولان اینانجیم تامدیر" دئیه دانیشدی.
دونالد ترامپ، دا اردوغانلا گؤروشمهنین اؤنجهسینده وئردیگی آچیقلامادا، آمریکا بیرلشمیش دؤولتلریندن پاتریوت ساوونما سیستملری آلیمی قونوسوندا، اسکی پرزیدنت باراک اوباما دؤورونده تورکییهیه عدالتلی داورانیلمادیغینی بیلدیردی.
بیر ژورنالیستین، تورکییهنین اس-۴۰۰ ساوونما سیستمینی آلماسی حالیندا آمریکا بیرلشمیش دؤولتلرینین تورکییهیه تحریم تطبیق ائدیب ائتمهیهجگینی سوروشماسی اوزرینه ترامپ، "پرزیدنت اردوغان، اوباما رهبرلیگیندن پاتریوت آلماق ایستهدی اما ایجازه وئریلمهدی. اوباما دؤورونده تورکییهیه عدالتلی داورانیلمادی" دئیه دانیشدی.
ترامپ، اس-۴۰۰ قونوسوندا، "قاریشیق بیر مسئله. فرقلی چؤزوم آختاریریق. عدالتی (تورکییهیه قارشی) اولمالیدیر" ایفادهسینی ایشلتدی.
تورکییهنین ناتو اویهسی اولدوغونو خاطیرلادان ترامپ،
"تورکییه آمریکا بیرلشمیش دؤولتلرینین دوستو و بیر یئرده گؤزل ایشلر گؤردوک و بؤیوک تیجارت اورتاغیمیز. بونو داها دا بؤیودهجییک. ایکیترفلی تیجارت حجمی ۷۵ میلیارد دلار چوخ آز. ۱۰۰ میلیارد دلارین چوخ اوزرینده اولماسی لازیمدیر" شکلینده دانیشدی.
ترامپ، تورکییه ایله آمریکا بیرلشمیش دؤولتلری ایلیشکیلرینین گئتدیکجه ایرلیلهدیگینی قید ائدرک،
"تیجارتیمیزی دؤرد قاتینا چیخارماغی هدفلهییریک. تورکییهنین چوخ یاخشی اۆرتیمی و محصوللاری وار. ایلیشکیلریمیز حربی ساحهده ده گلیشیر. عینی زاماندا بیزدن چوخ میقداردا حربی آلیم گؤزلهییریک" دئدی.
تورکییهیه سفر ائدجگینه ایشاره ائدن ترامپ، بو سفر اوچون دقیق بیر تاریخ بیلدیرمهدی.
ایلگیلیلی خبرلر
![فیدان چکلی همکاری ایله گؤروشهجک](http://cdn.trt.net.tr/images/medium/rectangle/f3a7/fb54/52ee/664f442c1ccb4.jpg?time=1719288894)
فیدان چکلی همکاری ایله گؤروشهجک
تورکیه خاریجی ایشلر ناظیری صاباح پایتاخت آنکارادا چکلی همکاری یان لیپاوسکی ایله گؤروشهجک.
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719288894)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"