غزّهدکی آنادولو آژانسینین اوفیسینه ائدیلن سالدیرییا اعتراضلار
اردوغان، "تورکیه و آنادولو آژانسی، بوتون بو سالدیریلارا باخمایاراق ایسرائیل ترورونو و ظلمونو دونیایا چاتدیرمایا داوام ائدهجک" آچیقلاماسی ائدیلدی
ایسرائیل اوردوسو، محاصیره آلتینداکی غزّهده آنادولو آژانسینین اوفیسینین ده اولدوغو بینانی ووردو.
بینا تامامیله داغیلدیغی زامان آژانسین ایشچیلری اؤلن و یارالانان اولمادی.
ایسرائیل اوردوسونون، محاصیره آلتینداکی غزّهه آنادولو آژانسینین اوفیسینین اولدوغو بینانی وورماسینا اعتراض گؤسترن پرزیدنت رجب طیب اردوغان، آنادولو آژانسی باش دیرکتورو شنول کازانجینا تلفون ائلییب کئچمیش اولسون دیلگینده اولوب.
باش ناظیر اردوغان،
"تورکیه و آنادولو آژانسی، بوتون بو سالدیریلارا باخمایاراق ایسرائیل ترورونو و ظلمونو دونیایا چاتدیرمایا داوام ائدهجک" آچیقلاماسی ائدیلدی.
خاریجی ایشلر ناظیرلیگیندن ائدیلن یازیلی آچیقلامادا ایسه، ایسرائیلین سالدیریلارینا قارشی اولوسلار آراسی توپلوما حرکته کئچمه چاغیریشی ائدیلدی.
آچیقلامادا بو ایفادهلره یئر وئریلدی:
"ایسرائیلین غزّهده دونندن بو یانا چوخ سایدا گوناهسیز اینسانین اؤلومونه و یا یارالانماسینا سبب اولان و آنادولو آژانسینین بیناسینی دا هدف آلان آیریمسیز سالدیریلارینی شدتله قیناییریق. ایسرائیلین نیسبتسیز حرکتلریله بؤلگهده دیرماشان گرگینلیگین آزالدیلماسی اوچون اولوسلار آراسی توپلومو سرعتله حرکته کئچمهیه دعوت ائدیریک. "
تورکیه بؤیوک میللت مجلیسینین باشقانی مصطفی شنتوپ دا سالدیرییا اعتراض گؤستردی.
شنتوپ،
"ایسرائیل، آنادولو آژانسی ایش اوفیسینین اولدوغو بینانی ووراراق اولوسلار آراسی حقوقو و اینسانی دگرلری هئچه سایان حرکتلرینه بیر یئنیسینی داها علاوه ائتدی" دئدی.
پرزیدنت سؤزچوسو ایبراهیم کالین ایسه اجتماعی مئدیا حسابیندان، ایسرائیلین یئنی بیر سالدیرقانلیق نومونهسی گؤستردیگینی ایفاده ائدهرک،
"مقصدی، ایسرائیلین یئنی گوناهلارینی اؤرت-باسدیر ائتمک اولدوغو آچیقدیر" دئدی.
پرزیدنت علاقه باشقانی فخرالدین آلتون، سالدیری ایله علاقهدار غرب اؤلکهلره چاغیریش ائتدی.
آلتون،
"مطبوعات آزادلیغینا حساس اولدوغو ادعاسینداکی غرب اؤلکهلری ایسرائیل حکومتینی قیناماغا دعوت ائدیریک" دئدی.
خاریجی ایشلر ناظیری مولوت چاووش اوغلو، سالدیرینین اینسانلیغا قارشی بیر جینایت اولدوغونو سؤیلهدی.
چاووش اوغلو،
"بو سالدیریدان ایسرائیل قدر اونو جسارتلندیرنلر ده مسئولیت داشیییر. فیلسیطین ادعاسینی سونونا قدر مدافعه ائدجگیک" ایفادهلرینی ایستیفاده ائتدی.
دیگر طرفدن، میللی ساوونما ناظیری حولوصی آکار، ایچ ایشلر ناظیری سلیمان سویلو، عدلیه ناظیری عبدالحمیت گول، ساغلیق ناظیری فخرالدین کوجا، صنایع و تکنولوژی ناظیری مصطفی وارانک، تیجارت ناظیری روحسار پکجان، میللی تحصیل ناظیری ضیا سئلچوک، اکولوژی و شهرجیلیق ناظیری مورات تشکیلات، مدنیت و توریزم ناظیری محمت نوری ارسوی، عائله، امک و سوسیال خیدمتلر ناظیری زهرا زومرود سئلچوک، و آک پارتی سؤزچوسو عمر چلیک ده سالدیرینی قینادی، آنادولو آژانسینا کئچمیش اولسون دعا ائتدی.
ت.ر.ت عمومی مودیری ایبراهیم ارن، توئیتر حسابیندا نوماییش اولونان مساژدا،
"اینسانلیغا قارشی جینایت تؤرتمهیه داوام ائدن ایسرائیلین غزّهدکی آنادولو آؤآنسی اوفیسینی راکتلرله هدف آلماسینی شدتله قیناییرام" دئدی.
ایلگیلیلی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفادهلردن قاچینماسی حیاتی اؤنمه صاحبدیر"