اردوغان: نه سوی‌قیریم، نه ده بؤیوک بیر فلاکت
"اگر ارمنیلره قارشی ادعا ائدیلدیگی کیمی بیر یولا ال آتمیش اولسایدیق بو گون یاشایان میلیونلارجا ارمنی‌دن صحبت گئده‌بیلمزدی"
جمهورباشقانی رجب طیب اردوغان، ارمنی تهجیرینین(کؤچه زورلاما، کؤچ ائتدیرمه) نه سوی‌قیریم، نه ده بؤیوک بیر فلاکت اولدوغونو دئدی.
پرزیدنت و عدالت و اینکیشاف پارتیسی باشقانی رجب طیب اردوغان، پارتیسینین آنکارا قیزیلجاحامامدا گئچیریله‌ن ۲۸.جی مشورت و دگرلندیرمه توپلانتیسین‌دا چیخیشین‌دا، ارمنی تهجیرینین، بیر عصر اؤنجه‌سینین چوخ چتین شرطلرین‌ده بالکان ساواشلاری سیراسیندا یاشانمیش آجی بیر حادثه‌دن عبارت اولدوغونو بیلدیردی،
"اگر ارمنیلره قارشی ادعا ائدیلدیگی کیمی بیر یولا ال آتمیش اولسایدیق بو گون آوروپادان آمریکایا، قوزئی آفریقادان قافقازا قدر گئنیش بیر ساحه‌ده یاشایان میلیونلارجا ارمنی‌دن صحبت گئده‌بیلمزدی" دئدی.
بونلار دانیشیلاجاغی یئرین پارلمان بینالاری دئییل، آرشیولر، بونو ائد‌جک اولانلارین دا بیلیم اینسانلاری اولدوغونو بیلدیره‌ن اردوغان،
"بیزیم آرشیولریمیز ارمنی مسئله‌سی قونوسون‌دا هر کسه آچیق‌دیر. دعوت ائتدیک هئچ کس گلمیر، آرشیولرده نه‌لر اولدوغونو بیلدیکلری اوچون آماجلاری حقیقتلری آنلاماق اولان هر کس بو آرشیولره گیره‌بیلر. بوندان باشقا، هر بیر مئساژی رد ائدیریک. ارمنی تهجیری نه سوی‌قیریم، نه ده بؤیوک فلاکت‌دیر. بو آجی بیر حادثه‌دن عبارت‌دیر. فرانسا پرزیدنتی اؤنجه بو ایشلری اؤیرنمه‌لی. اولکه‌سینده ۷۰۰ مین ارمنی وار دئیه بو مئساژی وئرمک سنی قورتارمایاجاق" دئیه دانیشدی.
تورکییه‌نین روسیادان آلاجاغی اس-۴۰۰ مسئله‌سین‌ده ایسه آمریکا ایله جدی بیر فیکیر آیری‌لیغی اولدوغونو قید ائد‌ن پرزیدنت،
"کیم نه دئسه ده بیزیم اوچون اصل اؤنملی اولان اؤلکه‌میزین استقراریدیر. سوریه‌ده‌کی ترور باتلاغینی قوروتماغا یؤنه‌لیک آددیملاری آتماغی و درحال اس۴۰۰ و بنزری گوونلیک تحکیماتینی ائتمه‌یی داوام ائتدیرجییک" ایفاده‌لرینی ایشلتدی.
اردوغان، جولان تپه‌لری ایله باغلی اولاراق دا، بورالارین ایسراییله دئییل، سوریه‌یه عاید اولدوغونو دیله گتیردی و
"۱۹۴۷دن اعتباراً ائتدیگی ایشغاللارلا ایسراییل بیر ایشغال‌چی یاپیلانمادیر. بو ایشغال‌چی یاپیلانما گوجونو آمریکادان آلیر. بو گوجله برابر ایشغال حرکتینی داوام ائتدیریر" دئدی.
اردوغان، تورکییه‌نین آوروپا بیرلیگی عضولویو ایله باغلی اولاراق دا، آنکارانین بوتون طلبلری یئرینه یئتیردیگینی خاطیرلاداراق، آوروپا بیرلیگینین، یئریتدیگی توتارسیز سیاستلرین، ایلکه‌سیزلیکلرین اوستونو اؤرتمک اوچون تورکییه‌نی سوچلاما یولونا گئتدیگینی سؤیله‌دی.
اردوغان،
"آوروپا بیرلیگی ایله ایلیشکیلرین گلیشدیریلمه‌سی و یا سونلاندیریلماسی مسئله‌سین‌ده بیر آددیم آتیلاجاقسا بونو ائد‌جک اولان آوروپالیلاردیر. تورکییه‌نی بیه‌نمیرسینیزسه، بو ایشی بیتیرک" دئدی.
ایلگیلی‌لی خبرلر
8-جی تورکیه-آلمانیا اقتصادیات گونو کئچیریله‌جک
می‌ین 4-ده آلمانیانین دوسلدورف شهرینده 8-جی تورکیه-آلمانیا اقتصادیات گونو کئچیریله‌جک.
