چاووش اوغلو:"ناتو-نون اس-400 ایله باغلی ناراحات لیغینی دقته آلمالیییق"
خاریجی ایشلر ناظیری مؤلود چاووش اوغلو پایتاخت آنکارادا تورکیه-لهستان-رومینیا خاریجی ایشلر ناظیرلری‌نین اوچ طرف‌لی ییغینجاغیندان سونرا بیرگه مطبوعات کنفرانسیندا ایشتیراک ائتدی.
خاریجی ایشلر ناظیری مؤلود چاووش اوغلو پایتاخت آنکارادا تورکیه-لهستان-رومینیا خاریجی ایشلر ناظیرلری‌نین اوچ طرف‌لی ییغینجاغیندان سونرا بیرگه مطبوعات کنفرانسیندا ایشتیراک ائتدی.
روسیا‌دان اس-400 راکت مودافعه سیستم‌لری‌نین آلینماسی ایله علاقه‌دار ناتو-نون ناراحات‌لیغی نظرده توتولور.
بونو خاریجی ایشلر ناظیری مولود چاووش اوغلو پایتاخت آنکارادا تورکیه-لهستان-رومینیا خاریجی ایشلر ناظیرلری‌نین اوچ طرف‌لی ییغینجاغیندان سونرا تشکیل ائدیلن بیرگه مطبوعات کنفرانسیندا دئییب.
چاووش اوغلو اس-400 راکت سیستم‌لرینه دایر بیر سوال قارشی‌سیندا اف-35 و اس-400 اوچون امریکایا متخصص‌لردن عبارت بیرگه ایشچی قروپو تکلیف ائتدیک‌لرینی خاطیرلادا‌راق، "سون واشینگتن سفرینده ده بیر تکلیف تقدیم ائتدیک: گلین بیرگه بیر کمیسیون قورولسون. ناتو دا ایشه داخیل اولسون و متخصص‌لردن تشکیل تاپسین، اونلار سؤیله‌سین" دئدی.
"اس-400 ایله علاقه‌دار اف-35 سیستمینه داخیل اولا‌راق اونون تکنولوژی سینی گؤتوره بیله جگی" ادعا‌لارینا توخونان مولود چاووش اوغلو "بو ادعا‌لارین رئال‌لیغی یوخدور. یئنه ده بو مسئله ده متخصص‌لر سون سؤزو سؤیله‌سین‌لر. بیز باشلانیش‌دان بری‌دیر اس-400 مودافعه سیستمی‌نین، پروقرامی داخیل، تامامیله بیزیم نظارتیمیزده اولماسی اوچون حرکت ائتدیک. حاضردا سوریه-ده اس-400 وار. سوریه اوزریندن امریکانین و ایسرایلین اف-35-لری دفعه‌لرله اوچوب. بو ادعا حقیقت ایسه اساساً چوخدان او سیستمه داخیل اولونوب دئمک‌دیر. عینی شکیلده نروژ-ین قوزیی ینده، روسیا سرحدلری داخیلینده اس-400 مودافعه سیستم‌لری وار و نروژ-ین اف-35-لری ده اورا‌دان، چوخ یاخیندان اوچور. موناسیبتیله اس-400 تورکیه-ده اولسا اف-35 سیستمینه داخیل اولار ادعاسی دوزگون دئییل، رئال‌لیغی دا یوخدور" دئیه بیلدیردی.
ناتو-نون تورکیه-نین تکلیفینه مثبت یاناشدیغینی ایفاده ائدن چاووش اوغلو امریکا-دان هله ده مثبت بیر یاناشما گؤرمه‌دیک‌لرینی سؤیله‌دی.
"ناتو-نون ناراحات‌لیغینی دا نظرده توتمالیییق. تورکیه-نین دقت یئتیرمه‌دیگینی سؤیله‌مک دوزگون دئییل. بیز هر زامان حساس یاناشیریق. متفیق‌لریمیز و ناتو دا بونو چوخ یاخشی باشا دوشمه‌لی‌دیر، بیزیم هاوا مودافعه سیستمینه عاجیل احتیاجیمیز وار" دئیه خاریجی ایشلر ناظیری مولود چاووش اوغلو وورغولادی.
بو گون تورکیه-لهستان-رومینیا ایجلاسی‌نین چوخ ثمره‌لی کئچدیگینی قئید ائدن چاووش اوغلو بوتون ناتو متفیق‌لری اولا‌راق آراداکی هم رای لیگین داوام ائتدیریلمه‌سی‌نین واجیب‌لیگینی دیله گتیردی.
ترورلا موباریزه‌نین داشیدیغی اهمیتی وورغولایان ناظیر ناتو-نون بیرلیگینی قوروماسی‌نین واجیب‌لیگینه، سوریه-ده ترور تشکیلاتی ی.پ.گ/پ.کا.کا ایله امکداش‌لیق ائدیلمه‌سی‌نین متفیق‌لیک روحونا ضد اولدوغونا دقت چکدی.
