اؤنال، آمریکا ایله تۆرکیه آراسینداکی "ساغلام دوستلوعو" گلیشدیرمه سؤزو وئردی
تۆرکیه‌نین واشینگتن ائلچیسی اؤنال: باشکند واشینگتونداکی آماجیم بو ساغلام دوستلوغو و امکداشلیغی گلیشدیرمک، ایللر ایچریسینده آمریکا ایله گلیشدیره‌بیلدیگیمیز ساغلام ایلیشکیمی داها دا ایر‌لییه آپارماقدیر
تۆرکیه‌نین واشینگتن ائلچیسی سدات اؤنال، وظیفه‌سی سیراسیندا آمریکا بیرلشمیش دؤولتلری ایله تۆرکیه آراسینداکی "ساغلام دوستلوق و امکداشلیغی" گلیشدیرمه سؤزو وئردی.
ائلچی اؤنال، تۆرکیه‌نین واشینگتن ائلچیلیگی و واشینگتن تۆرک-آمریکان درنگی امکداشلیغییلا "تۆرک مطبخی هفته‌سی" بدولاییسیلا تشکیل ائدیله‌ن قبولدا دانیشدی.
اؤنال،
"باشکند واشینگتونداکی آماجیم بو ساغلام دوستلوغو و امکداشلیغی گلیشدیرمک، ایللر ایچریسینده آمریکا ایله گلیشدیره‌بیلدیگیمیز ساغلام ایلیشکیمی داها دا ایر‌لییه آپارماقدیر" دئدی.
تۆرکیه ایله آمریکانین "چوخ طرفلی ایلیشکییه" صاحب اولدوغونو ایفاده ائد‌ن اؤنال، وظیفه‌سی سیراسیندا ایکیلی امکداشلیغی و ایلیشکیلری ایرلیلتمک مقصدی ایله قونومداشلارییلا چالیشماغی صبیرسیزلیکله گؤزله‌دیگینی ایفاده ائتدی.
مدنی ایلیشکیلره ده توخونان اؤنال، مطبخ گله‌نه‌گینین دیپلوماسینین اؤنملی بعدو حالینا گلدیگینی بیلدیررک، بو هفته‌نین تۆرک مطتبخینین چئشیدلی اؤزرنکلرینین سرگیلندیگی تۆرک مطبخی هفته‌سی اولاراق قوتلاندیغینا دقت چکدی.
ائلچی اؤنال،
"گاسترونومی، مطبخ قونوسوندا تۆرکیه اولاراق بو میراثا صاحب اولدوغوموز اوچون موتلویوق چونکو اورتا آسیادان قافقازلارا، اورتا دوغویا، بالکانلارا، اژه‌یه، آغ دنیزه قدر گئنیش بیر جغرافیادان تاثیر آلدیغیمیز اوچون شانسلیییق. بوتون بو بؤلگه‌لرین ائتکیلرینی داشیییریق و مینلرجه ایل اؤنجه‌سینه دایانان میراثا صاحیبیک" شکلینده دانیشدی.
