اردوغان: "تورکیه آلی تحصیلده بارماقلا گؤستریلن اؤلکه‌لردن بیری اولاجاق"
جمهور باشقانی رجب طیب اردوغان تورکیه-نین آلی تحصیلده بارماقلا گؤستریلن اؤلکه‌لردن بیری اولاجاغینی سؤیله‌دی.
جمهور باشقانی رجب طیب اردوغان تورکیه-نین آلی تحصیلده بارماقلا گؤستریلن اؤلکه‌لردن بیری اولاجاغینی سؤیله‌دی.
اردوغان پایتاخت آنکارادا اورتا دوغو تکنیک اونیورسیته سینین (ODTÜ) مدنیت و کنگره مرکزینده "اودتو تکنوکنت "ین آچیلیشینا قاتیلدی.
جمهور باشقانی بوردا چیخیش ائده‌رک، وطن تورپاق‌لارینا حؤکم ائتمه‌دن موستقیل اولماغین مومکون اولمادیغی کیمی، تکنولوژی یه حاکم اولما‌دان دا موستقیللیگین قورونوب ساخلانیلماسی‌نین مومکون اولمادیغینی بیلدیردی.
قلوبال رقابتده اؤنه کئچمک اوچون اونیورسیته لردن ان فعال شکیلده بهره لنمه‌نین واجیب‌لیگینی وورغولایان اردوغان: " اونیورسیته-صنایع امکداش‌لیغینی داها دا اینکیشاف ائتدیرمه لیییک. بو ایستیقامتده چین خالق جمهوریتی چوخ بؤیوک اوغورلار الده ائدیب" دئدی.
اردوغان: "معلومات‌لاردان تهلوکه‌سیزلیگه، مودافعه، ساغلیق، تحصیل ساحه‌لرین‌دن، اینفورماسیون تکنولوژی دن سنی ذکایا قدر هر ساحه‌ده اؤز آیاق‌لاریمیز اوزرینده دورماق مجبوریتیندییک. تورکیه-نی بیرلیکده هدف‌لرینه چاتدیراجاغیق" دئیه دانیشدی.
