تورکیه ایچ ایشلر ناظیری سولیمان سویلو مراکش‌ده

تورکیه ایچ ایشلر ناظیری سولیمان سویلو، بعضی اؤلکه‌لرین ترور تشکیلات‌لارینا یاردیم ائده‌رک گؤچو سرعتلندیردیغینه وورغو ائتدی.

سویلو، مراکش‌ین مراکش شهرینده کئچیریلن قلوبال گؤچ آنلاشماسی حوکومتلرآراسی کونفرانسیندا تورکیه‌نی تمثیل ائدیب.

کونفرانسدا دانیشان سویلو، بعضی اؤلکه‌لرین مجبوری گؤچا یول آچان سیاست‌لرینی تنقید ائتدی.

ترور تشکیلات‌لارینا سیلاح هدیه ائتمگین بیر اولوسلار آراسی یاردیم اولمادیغینی وورغولایان سویلو،

"ترورچولارا سیلاح تعلیمی وئرمک بیر تحصیل سفربرلیگی، درون‌لارلا  ترور ایشلری ائتمک تکنولوژی اینقیلابی، من‌دن سیلاح سیستم‌لری آلسانیز جینایت قوز یومورام دئمک ده دیپلوماسی دئییل." دئدی.

" بو ایل 53 مین 860 نفری دپورت ائتدیک، 11 آیدا 5 مین 522 اینسان قاچاقچی‌سی یاخالادیق. کئچن ایلین ایلک 11 آیینا گؤره یوزده 56 آرتیم وار." ایفاده‌سینی ایشله‌دن سویلو، گوج‌لو بیر معلومات و امکداش‌لیق شبکه‌سی، اورتا و اوزون زمانلی ایستراتژیک باخیش، حقیقت و اینسانی سیاست ایله نظم‌سیز گؤچون قارشی‌سی‌نین آلیناجاغینی وورغولاییب.

بیرلشمیش میللت‌لره (بمت) عضو 150دن چوخ اؤلکه‌نین قاتیلدیغی کونفرانسدا سس چوخ‌لوغو ایله قبول ائدیلن "قلوبال گؤچو حاقیندا سازیش" ایمضالانیب.

سازیش، کؤچون اعتبارلی و نظملی حیاتا کئچیریلمه‌سی‌نین یانیندا، موناقیشه‌نین داها یاخشی ایداره ائدیلمه‌سینی ایچه‌رن مکانیزم‌لر تکلیف ائدیر.

اوتریش، لهستان، چکیا، استونی، بولغاریستان، کروواسی، آمریکا، ماجاریستان، اوسترالیا و ایسرائیل قانونی مسئولیتی اولمایان سازیشی ایمضالامایا‌جاق‌لارینی اوّلجه‌دن چاتدیرمیشدی.