جمهو باشقانی اردوغان: " بمت-ده اصلاحات آپاریلماسی واجیب‌دیر"

جمهور باشقانی رجب طیب اردوغان بیرلشمیش میللتلر تشکیلاتیندا اصلاحات آپاریلماسی‌نین واجیب اولدوغونو بیلدیردی.

ایستانبول-دا ایسلام امکداش‌لیق تشکیلاتی‌نین ایقتیصادیات و تیجارت امکداش‌لیغی عذره دایمی کومیته‌سی‌نین 34-جو توپلانتی‌سی ایشه باشلاییب.

جمهور باشقانی رجب طیب اردوغانین ایشتیراکی ایله "تیجارتین آسانلاشدیریلماسی: گؤمروک‌لرده ریسک‌لرین ایداره اولونماسی" موضوع سوندا کئچیریلن توپلانتی چرچیوه‌سینده "بولگه سل اینتگراسیون اوچون تیجارتین آسانلاشدیریلماسی پوتنسیالیندان ایستیفاده"، "گؤمروک سیستمی‌نین مدرن لشدیریلمه‌سی ساحه‌سیندکی چتین‌لیک‌لر و مومکون حل‌لر"، "تیجارتین آسانلاشدیریلماسیندا اؤزل سئکتورون رولو" و دیگر موضوع لاردا پانل ایجلاس‌لار کئچیریله‌جک.

ناظیرلر توپلانتی‌سی‌نین رسمی آچیلیش مراسیمینده جمهور باشقانی رجب طیب اردوغانین چیخیشی اولوب.

جمهور باشقانی اردوغان بمت-ده اصلاحات‌لار آپاریلماسی‌نین واجیب‌لیگینه توخونا‌راق دئییب کی، بمت تهلوکه‌سیزلیک شوراسی‌نین عمومی لیکده دایمی عضو‌لرین منفعت‌لرینی قورودوغونو یاخیندان تجروبه ائتدیم. 5 دایمی عضو، اونلاردان بیری نه سؤیله‌سه اونو ائتمه‌یه محکوم‌دور. پول، نفت، الماس دان باشقا قیمت وئردیک‌لری چوخ آز شئی وار. آرتیق بیرینجی دونیا محاربه‌سی زامانیندا یاشامیریق. یئنی بیر دونیا قورولدو. 5 دایمی عضو، 15 موقتی عضو ایله هئچ کس هئچ کسی آلداتماسین. 15 موقتی عضوون تشکیلاتدا بیر قیمتی یوخ‌دور. هر شئی 5 عضوون حتی اونلارین ایچینده کی بیر عضوون ایکی دوداغی‌نین آراسیندا‌دیر.

جمهور باشقانی اردوغان چیخیشیندا ایسلام امکداش‌لیق تشکیلاتی‌نین ایقتیصادیات و تیجارت امکداش‌لیغی عذره دایمی کومیته‌سینه عضو اؤلکه‌لر اولا‌راق تیجارتیمیزی نه قدر چوخ آرتیرساق او قدر گوج‌لو اولاریق دئیه‌رک بیلدیریب کی، آرامیزداکی تیجارتده میللی پول واحید لریندن ایستیفاده ائتمه یمیز، ایمپریالیست گوجو سیندیرماغیمیز باخیمیندان بؤیوک اهمیت داشیییر.

اردوغان همچنین، ترور تشکیلاتی داعش بهانه‌سیله بؤلگه‌دکی یئنی ترور دؤولت‌لری‌نین قورولماسینا ایجازه وئریلمه‌یه‌جگینی بیل‌دیره‌رک دئییب کی، سوریه-ده کی بحرانی اؤزگه‌لری دئییل، بیز حله قوووشدوراجاغیق. برلین-‌دن پاریسه بروکسل-دن مسکو-یا هارادا اولارسا اولسون تروریستلرین گوناه‌سیز اینسان‌لاری اؤلدورمه‌سینه بیز قارشی چیخاجاغیق. وطنداش‌لاریمیزی قودسو زیارت ائتمه لری اوچون تشویق ائده ره ک ، ایشغالچی‌لارین قودسون شام‌لارینی سؤندورمه‌سینه اول بیز مانع اولاجاغیق. فتو، پ.کا.کا، القاعده و الشباب کیمی ترور تشکیلات‌لاری اوزریندن گله جگیمیزین محو ائدیلمه‌سینه اول بیز قارشی دوراجاغیق. ظلم و عدالت‌سیزلیگه اول بیز سسیمیزی اوجالتاجاغیق، ایفاده لرینی ایشلتدی.