دونالد ترامپ جی20 ایجلاسیندا طیب اردوغانلا گؤروشه'جک

آمریکا‌نین پرزیدنتی دونالد ترامپین آرژانتین‌دکی جی20 ایجلاسیندا پرزیدنت رجب طیب اردوغانلا گؤروشه'جگی بیلدیریلیب.

آغ ائو میللی امنیت دانیشمانی جان بولتون، دونالد ترامپین آرژانتیندکی جی20 ایجلاسیندا، پرزیدنت رجب طیب اردوغان ایله گؤروشه'جگینی، سعودی عربیستانی‌نین ولیعهد شاهزاده محمد بن سالمان ایله گؤروشمک پلانی‌نین ایسه اولمادیغینی بیلدیریب.

آرژانتینده هفته سونو کئچیریله‌جک جی20 ایجلاسی عرفه‌سینده آغ ائوده کئچیریلن مطبوعات کونفرانسیندا بولتون، ترامپین پروقرامینی و ایکیطرف‌لی دانیشیق‌لارینا دایر پروقرامینی قیمتلندیریب.

بولتون، ترامپین، ایجلاس چرچیوه‌سینده آرژانتین، چین، روسیا، آلمانیا، ژاپون، هیندیستان و جنوبی کوره لیدرلری بیر آرایا گله'جگی معلوماتینی پایلاشاراق، پرزیدنت اردوغان ایله ده ایکیلی گؤروشمه کئچیرجگینی بیلدیریلیب.

سعودی ژورنالیست جمال قاشیقچی جینایتی‌نین سونرا ترامپین، محمد بن سالمان ایله آرژانتیندا گؤروشوب، گؤروشمیه'جگی ایله باغلی سوالا ایسه بولتون،

"خئیر حاضیردا پرزیدنتین ایکی‌لی گؤروشمه‌لری تامامیله دولو حالدا، سیزه بیر آز اوّل بو دانیشیق‌لاری سیرالادیم اونسوز دا." شکلینده جواب وئریب.

بولتون بون‌دان باشقا، قاشیقچی جینایتینه دایر سس یازی‌سینی دینله‌ییب قولاق آسمادیغی حاقین‌داکی بیر سوال اوزرینه، "قئیدیاتی قولاق آسمادیغینی، عربجه اولدوغو اوچون قولاق آسسا دا باشا دوشمیه'جگینی آنجاق قئیدیاتین تؤکمانینی اوخودوغونو" دئییب.

داها سونرا کورسویه گلن آغ ائو سؤزچوسو سارا سندرز ایسه رسمی پروقرامی خاریجینده ترامپ ایله محمد بن سالمان'نین بیر آرایا گلمه احتیمالی‌نین اولوب اولمادیغینا دایر،

"بو احتیمالی گؤزاردی ائده بیلمه‌یه‌جک‌لری" قیمتلندیرمه‌سینی کئچیریب.

سندرز همچینین، "قاشیقچی مسئله‌سینده هله‌لیک یئکون نتیجه‌لری گؤرممیشیک. یئنی دلیل'لری گؤردوکجه اونا گؤره قیمتیمیزی ائدجگیک." ایفاده‌لرینی ایستیفاده ائتدی.

سعودی ژورنالیست جمال قاشیقچی، 2 اوکتوبردا ائولی‌لیک ایش‌لری اوچون گئتدیگی سعودی عربیستانی‌نین ایستانبول باش کونسوللوغوندا وحشیجه‌سینه قتله یئتیریلمیشدی.