تورکیه 30 آوقوست - ظفر بایرامینی قئید ائدیر
ظفر بایرامی تورکیه جمهوریتی‌نین میللی بایرامی‌دیر.
بایرام تورکیه تاریخینه بیرینجی دونیا محاربه‌سیندن مغلوب چیخان عثمانلی دؤولتینی ایشغالچی اؤلکه‌لر آراسیندا پایلاشدیریلماسی پلان‌لاری‌نین قارشی‌سی‌نین آلینماسی ایله علامتداردیر. او زامان بؤیوک سرکرده و دؤولت خادیمی مصطفی کمال آتاتورکون باشچی‌لیق ائتدیگی وطن‌پرور قوه‌لر سیاسی و معنوی ایفلاسا اوغرامیش خاندانلیغین خارابا‌لیق‌لاری آلتیندان بوگونکو تورکیه جمهوریتینی دیرچلتمک اوچون بؤیوک موجادیله و قوربان‌لار وئریب‌لر.
مؤحتشم چاناققالا ظفری سونرا‌دان بوتون تورکیه‌نین، ائله‌جه ده تورک دونیاسی‌نین ظفری کیمی قئید اولونماغا باشلییب.
ظفر بایرامی تورکیه جمهوریتی‌نین میللی بایرامی‌دیر. هر ایل آوقوستون 30-دا قئید اولونور. ظفر بایرامی 1922-جی ایلین 26 آوقوستوندا باشلاییب 30 آوقوستدا دوملوپیناردا مصطفی کمال پاشانین باش قوموتانلیغی آلتیندا غلبه ایله نتیجه‌لنن "باش قوموتان‌لیق میدان محاربه‌سی"نی (بؤیوک تعرض) آنماق اوچون قوت‌لانان بایرام‌دیر. ایشغالچی اوردولارین اؤلکه سرحدلرین‌دن چیخماسی بیر قدر سونرا باش وئرسه ده، 30 آوقوست سیبولیک اولا‌راق اؤلکه تورپاق‌لاری‌نین گئری آلیندیغی گونو تمثیل ائدیر.
ظفر بایرامی ایلک دفعه 30 آوقوست 1923-جو ایلده آفیون قاراحیصار، آنکارا و ایزمیرده قوتلانیب. رسمی اولا‌راق ظفر بایرامی 1936-جی ایلین می آییندا اعلان اولونوب. ظفر بایرامی گونو بوتون اؤلکه‌ده طنطعنهلی مراسیم‌لر کئچیریلیر. دؤولت رسمی‌لری و وطنداش‌لار آنکارادا آنیت قبیری، دیگر ویلایت و شهیدلیک‌لری زیارت ائدیب، مصطفی کمال آتاتورکه، سلاحداش‌لارینا، بوتون عسگرلرین روحونا دعا‌لار اوخویورلار. بوتون شهرلرده حربی بیرلیک‌لر نوماییش کئچیریرلر، بون‌دان باشقا سفیرلیک‌لرده مراسیم‌لر تشکیل اولونور. 30 آوقوست تورکیه‌ده رسمی تعطیل‌دیر، هر ایل قورو قوشون‌لاری حرب مکتبینده ماذون بوراخیلیشی اولور، ظابط روتبه‌لری محض بو گون وئریلیر.
