تورکیه‌دن فرانسا پرزیدنتی امانوئل ماکرونا اعتراض
تورکیه، فرانسا پرزیدنتی امانوئل ماکرونون، تورکیه‌نین آوروپا علیهینه اولدوغو ایستیقامتین‌دکی آچیقلاماسی‌نین رئال‌لیقلا اوست-اوسته دوشمدیگینی بیلدیریب
تورکیه، فرانسا پرزیدنتی امانوئل ماکرونون، تورکیه‌نین آوروپا علیهینه اولدوغو ایستیقامتین‌دکی آچیقلاماسی‌نین رئال‌لیقلا اوست-اوسته دوشمدیگینی بیلدیریب.
خاریجی ایشلر ناظیرلیگی‌نین سؤزچوسو هامی آکسوی، ماکرونون تورکیه‌یه و آوروپا بیرلیگی عضو‌لوگو پروسه سینه دایر ایفاده‌لری حاقیندا بیانات وئردی.
آکسوی،
"ماکرونون باشکند پاریس ده کئچیرمکده اولان سفیرلر کونفرانسیندا دونن (27 آوقوست 2018) اؤلکه‌میزه و آوروپا بیرلیگی عضولوک پروسه سیمیز ایله باغلی اولا‌راق صرف ائتدیگی بعضی سؤزلری درین بیر تأسفله قارشیلاییریق" دئدی.
آکسوی،
"اؤلکه‌میز، 15 ژوئیه2016دا آخیم بوراخیلان کودتا گیریشیمی سببیله اولدوقجا چتین بیر دؤور کئچیرمیش‌دیر. آنجاق کئچن آوروپا بیرلیگی ایچری‌سینده فوق ا‌لعاده حال سونا چاتدیریلمیش، تورکیه نؤوبتی دؤوره گیرمیش و جمهورباشقانلیغی حوکومت سیستمینه کئچیدین آردین‌دان خصوصیله آوروپا بیرلیگی اصلاحات‌لاری مسئله‌سینده ایرلیلییش دؤورونه کئچیلمیش‌دیر. ماکرونون اؤلکه‌میزه دایر آچیقلاما‌لاری، هر پلاتفورمدا داوام‌لی اولا‌راق ایضاح ائتمییمیزه باخمایا‌راق، تورکیه‌نین حقیقت‌لرینی درک ائتمک‌دن اوزاق اولدوغونو بیر داها گؤستریب" ایفاده‌لرینی ایستیفاده ائتدی.
آکسوی، آوروپانین سیاسی، جوغرافی و تاریخی جهت‌دن آیریلماز بیر پارچاسی اولان و آوروپا قارّه سی‌نین امنیتی اوچون هر زامان اوزرینه دوشنی آرتیقلاماسی ایله یئرینه یئتیرمیش اولان تورکیه‌نین آوروپا علیهینه اولدوغونو دئمیین گئرچکله اوست-اوسته دوشمدیگینی ایفاده ائتدی.
آکسوی، ناتو موتتفیقی و آوروپا بیرلیگی عضو‌لوگونه نامیزد تورکیه‌نین، حاضیردا اونسوز دا آوروپا بیرلیگی-نین ایستراتژیک و ایمتیازلی طرفداشی اولدوغونو و کؤچدن ترورلا موباریزه‌یه بیر چوخ ساحه‌ده عائله طرفداش‌لیق و امکداش‌لیق مکانیزم‌لرینه مالیک اولدوغونو بیلدیریب.
آکسوی،
"پرزیدنت حکومت سیستمی داها دا گوج‌لو، دموکراتیک و دونیوی تورکیه، آوروپا بیرلیگینه تام عضولوک یولوندا ایره‌لیلمه‌یه قرارلی‌دیر. دونیامیزین خسته‌لیگی حالینا گلمیش پوپولیزم و بؤلوچولوغه اینادکارلیق هدفیمیز؛ داها گوج‌لو و پایلاشدیغیمیز اورتاق دگرلره اساس‌لانان و تورکیه‌لی بیر اتفاق‌دیر" آچیقلاماسیندا وئریب.
ماکرونون، سؤز قونوسو چیخیشیندا بیر نئچه دفعه ایسلام دینینی ترورلا علاقه‌لن‌دیرمک تلاشینا گیردیگینی ده بیلدیرن آکسوی،
"ترورون دینی، میللیتی و عیرقی اولمادیغینی، بو بلانین هر هانسی بیر دینله الاقه لندیریلمه‌سینی سون درجه یانلیش اولدوغوموزو بیر داها ایفاده ائتمک ایستییریک" دئدی.
آکسوی، چیخیشیندا سویوق ساواشین سونا چاتدیغینی بیلدیرن ماکرونا،
دونیانین چوخ داها مورکب، گؤزلنیلمز و تهلوکه‌لی سیناق‌لارلا قارشی-قارشییا اولدوغو بو یئنی دؤورده تورکیه‌لی بیر آوروپا بیرلیگی نین اهمیتی‌نین داها دا آرتمیش اولدوغونو دا بیز خاطیرلاتماق ایستردیک"- دئیه خیتاب ائدیب.
