چاووش اوغلو:"تورکیه‌نین بحرانی حل ائتمک اوچون الیندن گلنی یئرینه یئتیریب"
خاریجی ایشلر ناظیری مولود چاووش اوغلو تورکیه‌نین امریکا ایله یاشانان بحرانی حل ائتمک اوچون الیندن گلنی یئرینه یئتیردیگینی، آنجاق قارشی‌لاریندا بو مسئله‌نی موذاکیره ائده‌جک بیری‌نین اولمادیغینی بیلدیردی.
خاریجی ایشلر ناظیری مولود چاووش اوغلو تورکیه‌نین امریکا ایله یاشانان بحرانی حل ائتمک اوچون الیندن گلنی یئرینه یئتیردیگینی، آنجاق قارشی‌لاریندا بو مسئله‌نی موذاکیره ائده‌جک بیری‌نین اولمادیغینی بیلدیردی.
سایجا 10-جو اولان سفیرلر کنفرانسیندا اوچونجو گون خاریجی ایشلر ناظیری مولود چاووش اوغلو و تیجارت ناظیری روحسار پئکجان قوناق اولدو.
کنفرانسدا چیخیش ائدن چاووش اوغلو امریکا ایله یاشانان بحرانا توخونا‌راق، بو پروسئسده تورکیه‌نین عهده سینه دوشنی یئرینه یئتیردیگینی، هر ساحه‌ده قورولوشچو اولدوغونو، اما قارشی طرفده بونو باشا دوشه‌جک، دوزگون بیرینی تاپا بیلمدیک‌لرینی سؤیله‌دی.
تورکیه‌نین بحرانین حلی اوچون ماسایا اوتورماغا حاضر اولدوغونو دا وورغولایان چاووش اوغلو "بیز هر شئیی دانیشماغا حاضیریق، اما بیر شرطله، تهدید، تضییق اولمایا‌جاق و البته تحریم کیمی سهو یول‌لارا اوز توتولمایا‌جاق" دئیه بیلدیردی.
تیجارت ناظیری روحسار پئکجان دا امریکانی دونیا تیجارت تشکیلاتیندا آچیق ایجلاسا دعوت ائتدیک‌لرینی، بو دعوتین امریکایا چاتدیغینی، بونونلا دا دونیا تیجارت تشکیلاتیندا محکمه پروسئسینی باشلاتدیق‌لارینی سؤیله‌دی.
ایلگیلی‌لی خبرلر
فیدان چک‌لی همکاری ایله گؤروشه‌جک
تورکیه خاریجی ایشلر ناظیری صاباح پایتاخت آنکارادا چک‌لی همکاری یان لیپاوسکی ایله گؤروشه‌جک.
پ‌کاکا‌لی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"
