اردوغان: آمریکا‌نین پرزیدنتی ترامپ تحریم قرارلاری آلا‌راق اؤزباشینا‌لیق ائدیر

تورکیه جمهور باشقانی رجب طیب اردوغان، آمریکا‌نین پرزیدنتی دونالد ترامپین تحریم قرارلاری آلا‌راق اؤزباشینا‌لیق ائتدیگینی وورغولاییب.

اردوغان، پرزیدنت لیک کومپلکسینده 10-جی سفیرلر کونفرانسی قاتیلیمچی‌لارینا وئریلن سحر یئمگینده دانیشدی.

تورکیه‌نین سون ایللرده الده ائتدیگی اولوسلار آراسی غلبه‌لر سببین‌دن هدفه آلیندیغینی ایفاده ائدن اردوغان، سون زامان‌لار تورکیه‌نین دیگر ساحه‌لرده اولدوغو کیمی، ایقتیصاد دا بیر محاصیره ایله قارشی-قارشییا اولدوغونو بیلدیریب.

اردوغان، "2013-جی ایلده سفر حادثه‌لری ایله باشلایان، 17-25 دسامبر محکمه کودتا تلاشی ایله داوام ائدن، 15 ژوئیه 2016 خائین کودتا تشببوسو ایله بیر اوست آشماغا داشینان سالدیریلارین بیر مدت داها داوام ائدجگی آیدین‌دیر" دئدی.

اردوغان، "تورکیه‌نین موستقیل‌لیگی ایقتیصادی ماراق‌لارینی، میللی شرفینی حیثیت و شخصیتینی هدف آلان بو سالدیریلارین فرق‌لی فورما‌لارینا قارشی دا حاضیرلیق‌لی اولمالیییق. سون ایللرده تروردان، ایقتیصادی مانیپولاسیون‌لارا بیر سیرا عملیاتا معروض قالماغیمیزین اساس سببی میللی ماراق‌لاریمیز مسئله‌سینده گذشت‌سیز موضع توتموش اولاق" ایفاده‌لرینی ایستیفاده ائتدی.

ترور تشکیلات‌لاری اوزرین‌دن قورولان اویون‌لاری قیسا مدتده ایفشاء ائدیب، قارشی‌سینی آلدیق‌لارینی ده وورغولایان اردوغان "سوریه ده داعش ایله موباریزه بهانه‌سی ایله اطرافیمیزدا یارادیلماغا چالیشیلان ترور یوللارینا راضی‌لیق وئرمدیک" دئدی.

خاریجی پول مزنده‌سین‌دکی دییشیک‌لیک‌لرین ایقتیصادی هئچ بیر اساسی‌نین اولمادیغی تامامیله تورکیه‌یه سالدیری ماهیتی داشیدیغی هامییا قبول ائدیلدیگینی بیل‌دیرن اردوغان، " (ترامپ) من آپارمیشام اولدو کی، ده ایستدیگین قدر صدر اول نه اولسان اول. آخشام یاتیب سحر دوروب دمیر پولادا او قدر وئرگی قویدوم ده. اؤلکه‌لر بوتون حسابینی بیر داوام‌لی‌لیق اوزرینه ائدیر. اوندان سونرا اولوسلار آراسی اعتیماد - دئیه بیر شئی قالیر، یوخسا؟ بیر طرف‌دن ایستراتژیک اورتاق اولا‌جاقسان دیگر طرف‌دن ایستراتژی طرفداشینا آیاق‌لارینا گولله سیخسین. بیر طرف‌دن افغانیستاندا هر کس ترک ائدرکن برابر اولا‌جاقسان، سوما‌لی ده برابر اولا‌جاقسان، ناتودا برابر اولا‌جاقسان. اوندان سونرا قالخیب ایستراتژیک طرفداشینی کوریین‌دن وورماغا یؤنه‌له‌جکسن. بئله بیر شئی قبول ائدیله بیلرمی؟ بون‌لارا بیزیم هله‌لیک ائتمییمیز مومکون دئییل" ایفاده‌لرینی ایستیفاده ائتدی.

بو سالدیریلارا قارشی بوتون اورقان‌لارلا لازیمی آددیم‌لاری آتماغا داوام ائده‌جک‌لرینی وورغولایان اردوغان، "تورکیه‌نین ایقتیصادی دینامیک‌لری محکم‌دیر، گوج‌لودور، یئرینده‌دیر و یئرینده اولماغا دا داوام ائده‌جک‌دیر" دئدی.

اردوغان، اؤلکه اولا‌راق بو پروسه ده آزاد بازار ایقتیصادی‌نین قانونلاریندان‌ اصلا گذشته گئتمه‌یه‌جک‌لرینی دئییب.