چاووش اوغلو:"هدف ترور باتاق‌لیغینی قوروتماق‌دیر"
خاریجی ایشلر ناظیری مولود چاووش اوغلو تورک عسگری‌نین عراق-ین قندیل بؤلگه‌سینه امین آددیم‌لارلا ایرلیلدیگینی، هدفین ترور باتاق‌لیغینی قوروتماق اولدوغونو سؤیله‌ییب.
خاریجی ایشلر ناظیری مولود چاووش اوغلو تورک عسگری‌نین عراق-ین قندیل بؤلگه‌سینه امین آددیم‌لارلا ایرلیلدیگینی، هدفین ترور باتاق‌لیغینی قوروتماق اولدوغونو سؤیله‌ییب.
مولود چاووش اوغلو ت.ر.ت-ده گوندمی قیمتلن‌دیره‌رک، قندیل-ده ترور تشکیلاتی پ.کا.کا-یا قارشی حیاتا کئچیریلن عملیاتین اوغورلا داوام ائتدیگینی، مقصدین ترور باتاق‌لیغینی قوروتماق اولدوغونو بیلدیریب.
امریکا ایله راضی‌لیق الده اولونان سوریه-نین منبیچ بؤلگه‌سی‌نین تروردان تمیزلنمه‌سی و ایداره ائتمه‌نین یئرلی اها‌لییه تحویل وئریلمه‌سی پلانینا توخونان ناظیر دئییب کی، سوریه-نین گلجیی اوچون منبیچ اهمیت کسب ائدیر، یول خریطه‌سی‌نین تطبیقی موضوع سوندا هر هانسی آخساق‌لیق یاشانمادی. ی.پ.گ منبیچ‌دن چکیله‌جک. بیزیم دردیمیز ی.پ.گ/پ.کا.کا-دیر. اساساً بو فعالیت‌لریمیز سوریه-لی کوردلر اوچون ده مثبت‌‌دیر. تورکیه‌ده اولان و بؤلگه‌لرینه قاییدا بیلمه‌ین، مال‌لاری-ملک لری ال لریندن آلینانلارا دا بؤیوک یاخشی‌لیق ائدیریک. سوریه-نین گلجیی اوچون منبیچ یول خریطه‌سی چوخ اؤنم‌لی‌دیر.
"امریکانین منبیچ پلانی باره‌ده صمیمی اولماسی لازیم‌دیر. صمیمی شکیلده تطبیق ائتمه‌یه داوام ائتملیگیک. امریکا بوتون دونیانین گؤزو قاباغیندا ی.پ.گ/پ.کا.کا-یا تیرلار دولوسو سلاح‌لار وئردی. بیز بیرباشا ی.پ.گ/پ.کا.کا ایله قارشی-قارشییا اولمایاجاغیق. ی.پ.گ/پ.کا.کا-نین سلاح‌لارینی گؤتوروب گؤتورمه دیگینی ده گؤرجییک. منبیچ-ین مرکزینه داخیل اولونا‌جاق، ی.پ.گ/پ.کا.کا چکیلندن سونراکی بوش‌لوغو موقتی اولا‌راق تورک و امریکا عسگری دول‌دورا‌جاق. ی.پ.گ سلاح‌لاری رژیمه ده، دیگر قروپ‌لارا دا ساتیر"-دئیه خاریجی ایشلر ناظیری مولود چاووش اوغلو وورغولاییب.
