تروریستلر هاوادان وورولدو
"یورد ایچینه گیردیکلری تثبیت ائدیله‌ن بؤلوجو ترور هؤرگوتو منسوبو ۵ تروریست ائتکیسیزلشدیریلمیش‌دیر"
حکاری‌ده بؤلوجو ترور هؤرگوتو پ‌کاکالی تروریستلر طرفیندن یولا دؤشه‌نه‌ن پاتلاییجینین، حربی قافله‌نین گئچیشی سیرادا پاتلاماسی نتیجه‌سین‌ده ۴ عسگر یونگول شکیلده یارالاندی.
حکاری والی‌لیگیندن وئریلن آچیقلامادا، دونه‌ن ۲۱.۳۰ سیرالاریندا چوخورجا ائلچه‌سیندن مرکز ایستیقامتینه حرکت حالینداکی حربی قافله‌نین آغاج‌دیبی کندی یول آیرییمین‌دان گئچیشی سیراسیندا ال یاپیمی پاتلاییجینین پاتلادیغی قید ائدیلدی.
پاتلاما سونوجو ۴ حربی پرسنلین یونگول یارالاندیغی بیلدیریله‌ن آچیقلامادا، قونو ایله باغلی عدلی تحقیقاتین داوام ائتدیگی قید ائدیلدی.
اؤته یاندان، آغری داغین‌دا آپاریلان هاوا دستک‌لی عملیات‌دا ۵ تروریست ائتکی‌سیز حالا گتیریلدی.
آغری والی‌لیگیندن وئریلن آچیقلامادا، ژاندارمانین آغری داغین‌دا هاوا دستک‌لی عملیاتلارینین داوام ائتدیگی قید ائدیلدی.
عملیاتا دایر آیرینتیلارین دا پایلاشیلدیغی آچیقلامادا، بونلار قید ائدیلدی:
"دوزنلنن هاوا عملیاتی نتیجه‌سین‌ده، اف-۱۶ ایله ۶ ژوئن ۲۰۱۸ تورکیه ساعاتی ایله ۲۲.۵۵ سیرالاریندا یورد ایچینه گیردیکلری تثبیت ائدیله‌ن بؤلوجو ترور هؤرگوتو منسوبو ۵ تروریست ائتکیسیزلشدیریلمیش‌دیر. بؤلگه‌ده عملیات داوام ائدیر".
