جمهور باشقانی اردوغان ایله پوتین آراسیندا تلفون دانیشیغی اولوب

تورکیه جمهور باشقانلیغیندان وئریلن خبره گؤره، تلفون گؤروشونده سوریه-ده کی سون وضعیت، باشدا انرژی ساحه‌سی اولماقلا، ایکی اؤلکه آراسینداکی ایقتیصادی علاقه‌لر موذاکیره اولونوب.

جمهور باشقانی رجب طیب اردوغان ایله روسیا پرزیدنتی ولادیمیر پوتین آراسیندا تلفون دانیشیغی اولدو.

اؤلکه لیدرلری سوریه-ده سیاسی حلین الده اولونماسی یولوندا آستانا دانیشیق‌لاری‌نین و سوریه-نین اراضی بوتؤو‌لوگونون اهمیتینی وورغولاییب‌لار.

تورکیه پرزیدنتی تلفون گؤروشونده سوریه ایله باغلی سیاسی پروسئسده بولوجو ترور تشکیلاتی پ.کا.کا/پ.ی.د-ی.پ.گ-یه یئر وئریلمه‌مه‌سی‌نین واجیب‌لیگینی قئید ائدیب.

دؤولت باشچی‌لاری سوریه-نین ایران ایله ایسراییل آراسیندا موناقیشه زوناسینا چئوریلممه‌سی‌نین اهمیتینه ده توخونوب‌لار.

تلفون گؤروشونده آک کویو آتوم الکتریک سانترال و "تورک آخینی" لاییحه‌لرین‌دکی ایرلیلییش‌لردن ده دانیشیلیب.

اردوغان و پوتین ایکی اؤلکه آراسیندا اینکیشاف ائدن اقتصادی علاقه‌لرده یئرلی پول دان ایستیفاده‌نین مقصده اویغون اولماسی مسئله‌سینده همفیکیر اولوب‌لار.