خاریجی ایشلر ناظیری چاووش اوغلو گوندمی دگرلندیردی
جمهور باشقانی رجب طیب اردوغان امریکا پرزیدنتی دونالد ترامپ ایله بوگون تلفونلا دانیشاجاق.
جمهور باشقانی رجب طیب اردوغان امریکا پرزیدنتی دونالد ترامپ ایله بوگون تلفونلا دانیشاجاق.
بونو خاریجی ایشلر ناظیری مولود چاووش اوغلو "آنادولو" خبر آژانسینا گوندمه دایر وئردیگی آچیقلامادا دئییب.
امریکا داعشی بهانه کیمی ایرهلی سورهرک سوریه-نین منبیچ بؤلگهسینه ترور تشکیلاتی پ.کا.کا-نین داوامی اولان پ.ی.د-یپگ-نی یئرلشدیرمهسینه توخونان چاووش اوغلو امریکانین داعش-ین مغلوب ائدیلمهسیندن سونرا پ.کا.کا/پ.ی.د-ی.پ.گ-نین بؤلگهنی بوشالداجاغینا دایر سؤزلرینی خاطیرلادیب.
منبیچ-ده کی پ.کا.کا / پ.ی.د-ی.پ.گ-نین موجودلوغونا دایر امریکا ایله بیر مودل بارهسینده آرادا بیر آنلاییش اولدوغونو بیلدیرن چاووش اوغلو مودل حیاتا کئچیریلمهیهجگی تقدیرده فرات چایینین دوغوسونا عملیات آپاریلا بیلهجگینی ایفاده ائدیب و جمهور باشقانی اردوغانین بوگون امریکا پرزیدنتی ایله تلفونلا دانیشاجاغینی دئییب.
چاووش اوغلو "ترامپین علاقهلری نورماللاشدیرما آرزوسوندا اولدوغونو بیلیریک. اما سیستمه بیر قدر ده حاکم اولماسی لازیمدیر" دئیه بیلدیریب.
"ایلک مرحلهده پ.کا.کا / پ.ی.د-ی.پ.گ منبیچدن چیخاجاق" دئیه قئید ائدن چاووش اوغلو داها سونرا تورکیه و امریکا اوردا اولاجاغینی، ایکینجی مرحلهده بؤلگهنین تهلوکهسیزلیگینی و ایدارهنین معینلشدیریلمهسینین واجیب اولدوغونو، داها سونرا باشقا یئرلرده ده بو مدلین تطبیق ائدیلجگینی بیلدیریب.
چاووش اوغلو پ.کا.کا / پ.ی.د-ی.پ.گ-نین منبیچدن چیخماسیندان سونرا ایداره و تهلوکهسیزلیکله باغلی سیستمین دموگرافیانی فورمالاشدیراجاغینی سؤیلهییب.
منبیچ مودلینین اوغورلو شکیلده تطبیق ائدیلمهسی تقدیرده عملیاتا احتیاج اولمایاجاغینی وورغولایان چاووش اوغلو دئییب کی، پلان تطبیق ائدیلمهیهجگی تقدیرده قارشیمیزدا بیر سئچیم قالیر. او دا تروریستلرین محو ائدیلمهسیدیر. بو سادهجه فرات چایینین دوغوسو اوچون دئییل، عراق اوچون ده قوهدهدیر. عراق-داکی پ.کا.کا-نین موجودلوغوندان ان چوخ عراق حکومتی ناراحاتدیر. پ.کا.کا عراق-ین قوزیی ینده کی کوردلر اوچون ده بیر تهدیددیر.
ایلگیلیلی خبرلر
8-جی تورکیه-آلمانیا اقتصادیات گونو کئچیریلهجک
میین 4-ده آلمانیانین دوسلدورف شهرینده 8-جی تورکیه-آلمانیا اقتصادیات گونو کئچیریلهجک.