اردوغان: هدف ۲ مین مربع کیلومتری کنترلوموز آلتینا آلماق
تورکیه‌نین دردینین تورپاق اولمادیغینی بیر داها وورغولایان اردوغان، عملیاتین مقصدینین سوریه‌نین قوزئیینده‌کی تروریستلرین تمیزله‌نمه‌سی اولدوغونو بیلدیردی
جمهورباشقانی رجب طیب اردوغان، زیتون بوداغی عملیاتینین اوغورلا داوام ائتدیگینی، بو آنا قدر ۳ مین ۲۱۳ تروریستین ائتکیسیز حالا گتیریلدیگینی سؤیله‌دی.
اردوغان، مرسینده پارتیسینین ائل کنگره‌سی اؤنجه‌سی توپلانان خالقا سسلندی.
اردوغان، تورک سلاح‌لی گوج‌لرینین سوریه‌نین عفرین بؤلگهسینده باشلاتدیغی زیتون بوداغی عملیاتینا توخوندو.
تورکیه‌نین دردینین تورپاق اولمادیغینی بیر داها وورغولایان اردوغان، عملیاتین مقصدینین سوریه‌نین قوزئیینده‌کی تروریستلرین تمیزله‌نمه‌سی اولدوغونو بیلدیردی.
تورک سلاح‌لی گوج‌لرینین آرخایین بیر شکیلده عفرینه ایرلیلدیگینی بیلدیر‌ن اردوغان، بؤلگه‌نین تروریستلردن تمیزلندیک‌دن سونرا اصل صاحبلرینه تسلیم ائدیله‌جگینی دیله گتیردی.
اردوغان، "بو آن اعتباریله تخمیناً ۸۵۰ مربع کیلومتر بیزیم کنترلوموز آلتین‌دا. هدف ۲ مین مربع کیلومتری ده کنترلوموز آلتینا آلماق" دئدی.
عفریندن سونرا تروریستلرین اولدوغو بؤلگه‌لرده عملیاتین داوام ائدجگی یؤنونده مئساژلار وئر‌ن اردوغان، هر هارادا تروریست وارسا، اورادا تروریزمله مباریزه‌یه داوام ائد‌جکلرینی سؤیله‌دی.
