روسیا تورکیه‌دن یاردیم ایسته‌دی
روسیا، روس اوچاغینین موتورو داخیل بوتون پارچالارینین تاپیلماسی اوچون تورکیه‌دن یاردیم ایسته‌دی
روسیا ساوونما باخانلیغی، سوریه‌نین ادلب بؤلگه‌سینده دوشورولن سو-۲۵ تیپی روس اوچاغینین موتورو داخیل بوتون پارچالارینین تاپیلماسی اوچون تورکیه‌دن یاردیم ایسته‌دی.
روسیا ساوونما باخانلیغین‌دان وئریلن آچیقلامادا،
"ادلبین هاوا ساحه‌سین‌ده ۳ فوریه‌ده داشینابیلیر بیر اوچاق سووار موشکی ایله تروریستلر طرفیندن وورولان سو-۲۵ اوچاغنین بوتون پارچالارینین تاپیلماسی مسئله‌سین‌ده یاردیم ائتمه‌سی اوچون تورک طرفینه بیر طلب چاتدیردی" دئییلیر.
آچیقلامایا گؤره، بوندان باشقا، روس حربی اوزمانلار، تروریرستلرین اوچاق وورماق اوچون ایستیفاده ائتدیگی داشینابیلیر اوچاق سووار موشکینین تیپینین، اورتیم یئرینین و سوریه‌یه نئجه گئتدیگینین معیینلشدیریلمه‌سی اوچون اوچاغین موتورلارینین پارچالارینین اله گئچیریلمه‌سی ایله اؤزللیکله اوغراشیر.
روسیا، تورکیه و ایران طرفیندن ادلبده یارادیلماسینا قرار وئریلن گرگین‌لیگی آزالتما بؤلگه‌سینده تهلوکسیزلیگین تامین اولونماسینی تورکیه اوزرینه گؤتورموشدو.
