چاووش اوغلو زیتون دالی عملیاتیندان دانیشدی

تورکیه-نین خاریجی ایشلر ناظیری مولود چاووش اوغلو تورک سلاحلی قوه لری سوریه-نین عفرین بؤلگه‌سینی "پ.کا.کا / کا.ج.کا / پ.ی.د-ی.پ.گ و داعش تروریستلردن تمیزلمک، دوست و قارداش بؤلگه خالقینی تضییق و ظلم‌دن آزاد ائتمک اوچون باشلاتدیغی زیتون دالی عملیاتی تاماملاندیق‌دان سونرا بؤلگه یئنی‌دن سوریه خالقینا تحویل وئریله‌جک.

خاریجی ایشلر ناظیری مولود چاووش اوغلو، آنتالیادا کدخدا لار ایله بیر آرایا گلدی. ناظیر ییغینجاقدا ائتدیگی چیخیشیندا زیتون دالی عملیاتینا توخونا‌راق: "تورک سلاحلی قوه لری و آزاد سوریه اردوسو طرفیندن حیاتا کئچیریلن اوغورلو عملیات‌لار نتیجه‌سینده تروریست‌لره آغیر ضربه ائندیریلیر.

عفرین-ده کئچیریلن عملیاتلار تورکیه-نین اوزونو مودافعه و طبیعی حاقی اولدوغونو بیلدیرن چاووش اوغلو، بیزیم هئچ بیر اؤلکه‌نین تورپاغیندا تاماهیمیز یوخ‌دور. سوریه-نین سرحد و اراضی بوتؤو‌لوگونون قورونماسینا ان گوجلو دستک وئرن اؤلکه ایسه تورکیه‌دیر.

تورک سلاحلی قوه لری و آزاد سوریه اردوسو بؤلگه‌دکی ترور تهدیدینی محو ائتمه‌یی مقصد گؤتوروب. ترور تشکیلات‌لارینا دستک وئرن‌لری خبردار ائتدیک. اونلاردان توریست‌لره سلاح یاردیمینا سون قویما‌لارینی ایستدیک. تروریستلره وئریلن سلاح‌لار تورکیه‌نین علیهینه ایستیفاده ائدیلیر دئدیک. اما بوتون بو خبردارلیق‌لاریمیزا بیگانه قالماقدا داوام ائتدی‌لر. تورکیه اؤز گؤبیینی اؤزو کسمه‌یه مجبور قالدی و تروریستلری محو ائتمک، اونلارین کؤکونو کسمک اوچون بو عملیاتی باشلاتدی" دئیه چاووش اوغلو وورغولادی.