تورکیه ترامپین آچیقلاما‌لارینا رئاکسیا گؤستردی
تورکیه دونالد ترامپین ایسرائیل-فیلیسطین پروبلئمی ایله باغلی آچیقلاما‌لارینا رئاکسیا گؤستردی.
تورکیه امریکا پرزیدنتی دونالد ترامپین ایسرائیل-فیلیسطین پروبلئمی و قودسون ایستاتوسو موضوع سون‌داکی آچیقلاما‌لارینا رئاکسیا گؤستردی.
تورکیه خاریجی ایشلر ناظیرلیگی‌نین سؤزچوسو حامی آکسوی ترومپین 25 ژانویه ده سوئیس-ین داووس قصبه‌سینده ایسرائیل باش ناظیری بنیامین نتانیاهو ایله کئچیردیگی مطبوعات کونفرانسیندا ایسرائیل-فیلیسطین پروبلئمی و قودس-ون ایستاتوسو مسئله‌سینده تلفظ ائتدیگی ایفاده‌لری ناراحات‌لیقلا قارشیلادیق‌لارینی بیلدیردی.
سؤزچو آکسوی یازی‌لی آچیقلاماسیندا: " بو ایفاده‌لر امریکا پرزیدنتی‌نین و یاخینین‌داکی شخص‌لرین بؤلگه‌نین رئال لیقلاریندان و پروبلئمین دینامیک لریندن نه قدر اوزاق اولدوغونو گؤستریر" دئیه بیلدیردی.
آکسوی قودسون نهایی ایستاتوسونون موباحیثه سیز اولا‌راق، ایسرائیل-فیلیسطین پروبلئمی‌نین هرطرف‌لی، عدالت‌لی و اوزون مودت‌لی حلی ایستیقامتینده باریش پروسئسی‌نین اساس فاکتورلاری آراسیندا اولدوغونو وورغولادی.
آکسوی آچیقلامادا اولوسلار آراسی توپلومون حل پروسئسی ایله باغلی پارامترلری‌نین امریکا رهبرلیگی‌نین بمت تهلوکه‌سیزلیک شوراسی‌نین و باش مجلیسی‌نین قطعنامه لری باشدا اولماقلا، اولوسلار آراسی حقوقا ضد و اولوسلار آراسی توپلوم طرفیندن رد ائدیلن تکرطرف‌لی بیر قراری ایله دییشدیریلمه‌سی‌نین مومکون اولمادیغینی قئید ائتدی.
سؤزچو امریکانی بمت تهلوکه‌سیزلیک شوراسی‌نین قرارلارینا و اولوسلار آراسی توپلومون ایراده‌سینه حؤرمت گؤسترمه‌یه دعوت ائتدی.
