اردوغان: تورک دئیینجه ...
"نئجه جرابلوس الباب عملیاتی ایله ترور دهلیزینه بیر خنجر سانجدیق ایسه ایندی ده باتیدان باشلایاراق بو دهلیزی ده یئرله بیر ائدجییک"
![اردوغان: تورک دئیینجه ...](http://cdn.trt.net.tr/images/xlarge/rectangle/d13d/2fe9/435f/5a632e040e109.jpg?time=1718728952)
جمهور باشقانی رجب طیب اردوغان عفرین عملیاتینین باشلادیغینی، منبج ایله داوام ائدجگینی بیلدیردی.
پرزیدنت اردوغان، کوتاهیادا عدالت و قالخینما پارتیسی ۶.جی اولاغان ائل کنگرهسینده دانیشدی.
اردوغان، آمریکانین بؤلوجو ترور هؤرگوتو پکاکانین سوریه قولونون آدینی داواملی دییشدیررک مشروعیت قازاندیرماغا چالیشدیغینی قید ائتدی.
اردوغان، "سوریهده اؤز فیکیرلرینجه بیر اویون قورانلار، ترور هؤرگوتونون آدینی دییشدیررک قورنازلیق ائتدیکلرینی ظن ائدیرلر. بیزیم گؤزوموزده آدی نه اولورسا اولسون، تروریستلردن اولوشان هر جور هؤرگوتون آدی ترور هؤرگوتودور. یوخ سوریه دموکراتیک گوجلریمیش، یوخ سرحد قوشونویموش، یوخ سرحد مخافظلریمیش، یوخ، ایچ گوونلیک قورولوشویموش، سیز کیمی قاندیریرسینیز؟ بو هؤرگوتون آدی پکاکادیر، پ.ی.ددیر،ی.پ.گدیر "شکلینده دانیشدی.
اردوغان، آمریکانین دا، آوروپا بیرلیگینین ده ترور هؤرگوتلری لیستهسینده اولان پکاکانین سوریه ده دستکلدیکلری هؤرگوتون اؤزو اولدوغونو وورغولادی.
اردوغان، آمریکانین و آوروپا بیرلیگینین بئله اولدوغونو اؤزلری ده چوخ یاخشی بیلدیکلری حالدا تورکیهنی و بوتون دونیانی آلداتماق اوچون یالان یانلیش ایفادهلر ایچینه گیردیکلرینی بیلدیردی.
آمریکانین پ.ی.د/ی.پ.گ مسئلهسینده ضدیتلی توتوم سرگیلهدیگینی وورغولایان اردوغان، "بیری دئییر کی اوردو قوراجاییق؛ باشقاسی، بیزیم هئچ واخت بئله بیر آماجیمیز یوخ؛ بیر باشقاسی دا، سرحد محافظلری یاراداجاییق دئیه بیر سؤز دئییر. داها بونون مرکبی قورومامیش ایچ گوونلیک اولوشومو دئیه بیر شئی چیخیر اورتایا. بونلارین بیر بیریندن خبری یوخدور، یا دا بیرینین دئدیگی یالانی او بیری ائشیتمدیگی اوچون هر بیری باشقا بیر شئی دئییر". دئیه دانیشدی.
اردوغان، "اونلارین آغلینا تورک دئیینجه یالنیز قوجاقلاریندا بسلهییب بؤیوتدوکلری فتحاللهچی ترور هؤرگوتو نمایندهلری و بو خیانت شبکهسینین کاراکترسیز، اومورغاسیز، هر جور استثمارا الوئریشلی کادرلاری گلیر. یئنه بونلارین آغلینا دئیهسن، بؤلگهده چالیشیلاجاق اورتاق دئیینجه ده یالنیز پولو وئرنین ایستیفاده ائتدیگی بیر موزدلو قاتیللر اوردوسوندان اولوشان پکاکالیلار گلیر. اما ترور هؤرگوتلرینه گوونمهنین نه قدر یانلیش اولدوغونو اؤیرهنهجکلر. بو بؤلگهده تورکیهدن باشقا چالیشیلابیلهجک متفیق تاپاممایاجاقلارینی اؤیرهنهجکلر" شکلینده دانیشدی.
"عفرین عملیاتی ساحهده عملا باشلامیشدیر" دئیهن اردوغان، "نئجه جرابلوس الباب عملیاتی ایله ترور دهلیزینه بیر خنجر سانجدیق ایسه ایندی ده باتیدان باشلایاراق بو دهلیزی ده یئرله بیر ائدجییک" دئدی.