آمریکا، تورک اوردوسو ایله ساواشماق اوچون پکاکایا موشک وئردی
چیییندن آتیلان و هاوا آراجلارینا قارشی ۸ کیلومتره قدر تأثیرلی اولان گودوملو سیستملر پکاکایا یوللاندی
![آمریکا، تورک اوردوسو ایله ساواشماق اوچون پکاکایا موشک وئردی](http://cdn.trt.net.tr/images/xlarge/rectangle/d15f/146f/f8f1/5a5db74fdea5c.jpg?time=1718782875)
آمریکا، سوریه عفرینده تورک هاوا آراجلاری و تانکلارینا قارشی ایستیفاده ائتمهلری اوچون بؤلوجو ترور هؤرگوتو پکاکالی تروریستلره "مانپادس" اولاراق بیلینن گودوملو هاوا ساوونما موشکی وئردی.
سوریهدهکی گلیشمهلره دایر آنالیزلر یاییملایان اناساو خبر پورتالینا دانیشان بیر آمریکالی یئتکیلی، چیییندن آتیلان و هاوا آراجلارینا قارشی ۸ کیلومتره قدر تأثیرلی اولان گودوملو سیستملرین پکاکایا یوللاندیغینی قید ائتدی.
آمریکانین پکاکایا وئردیگی سلاحلارین گؤرونتولری ده اورتایا چیخدی.
آمریکانین داعش بهانهسی ایله پکاکالی تروریستلره گؤندردیگی ۴ کیلومتر منزیله صاحب مدرن کسکین نیشانچی سلاحی ایله بیرلیکده کونکورس و تاو تانکسووار موشکلری سرحد خطینه یئرلشدیریلدی.
آمریکانین وئردیگی بو سلاحلا تروریستلر، تورک سلاحلی گوجلرینه عاید هلیکوپتری ووروب عسگرلریمیزی شهید ائتمیشدی.
پکاکا جتهباشیلاری، هؤرگون ایچی تبلیغاتدا دا "تورک تانکلارینین دوردورولماسینا" اؤزل اؤنم وئریر.