تورکیه آمریکایا سرت رئاکسیا گؤستردی
تورکیه‌نین خاریجی ایشلر ناظیرلیگی امریکانین سوریه-ده کی قورماغی هدف گؤتوردوگو ترور اوردوسونا دایر آچیقلاما‌لارینا سرت رئاکسیا گؤستردی.
تورکیه‌نین خاریجی ایشلر ناظیرلیگی امریکانین سوریه-ده کی قورماغی هدف گؤتوردوگو ترور اوردوسونا دایر آچیقلاما‌لارینا سرت رئاکسیا گؤستردی.
خاریجی ایشلر ناظیرلیگی‌نین آچیقلاماسیندا دئییلیب: "ترور تشکیلاتی پ.ی.د/پ.ی.گ-نین امریکانین دستکی ایله سوریه-ده دیرناقاراسی "سرحد تهلوکه سیزلیگی گوجو" قورماغا حاضیرلاشدیغی باره‌ده اولوسلار آراسی مدیادا یئر توتان خبرلره گؤره امریکا بویوک ائلچیلیگی‌نین مشاوری ژانویه نین 10-دا خاریجی ایشلر ناظیرلیگینه چاغیریلا‌راق ایضاحات ایستنمیشدی.
بو دفعه داعش ایله موباریزه اولوسلار آراسی کوالیسیونون سؤزچوسونون وئردیگی آچیقلامایا ایستینادلا، قیسمی اولا‌راق پ.ی.د/ی.پ.گ عنصورلاریندان قورولا‌جاق و پ.ی.د/ ی.پ.گ-نین دا ترکیب حیسه‌سینده ایشتیراک ائده‌جک دیرناقاراسی "سوریه دموکراتیک قوه‌لری"نین قوموتانلیغیندا فعالیت گؤستره‌جک 30 مین نفردن عبارت "سوریه سرحد قوه‌سی" قورولماسی مقصدیله کوالیسیونون "سوریه دموکراتیک قوه‌لری" ایله بیرگه ایشلدیگی باره‌ده خبرلر یاییلدیغی گؤرولور.
تورکیه داعش ایله ساحه‌ده موباریزه‌نین و داعش-دن تمیزلنن بؤلگه‌لردکی ثابیتلشدیرمه فعالیت‌لری‌نین بیر باشقا ترور تشکیلاتی اولان پ.ی.د/ی.پ.گ ایله امکداش‌لیق ائدیله‌رک داوام ائتدیریلمه‌سی‌نین سهو و الوئریش‌سیز اولدوغونو هر پلاتفورمادا و سویه‌ده دفعه‌لرله دیله گتیردی.
دیگر طرف‌دن دیرناقاراسی "سوریا سرحد تهلوکه‌سیزلیگی قوه‌سی" قورولماسی باره‌ده کوالیسیون عضوو اولا‌راق تورکیه‌یه مصلحت ائدیلمه‌میش‌دیر. کوالیسیونون همین قراری‌نین کوالیسیونون هانسی عضو‌لری‌نین تصدیقیله قبول ائدیلدیگی معلوم دئییل‌دیر. تک طرف‌لی آتیلان آدیم‌لاری کوالیسیون آدیندان قبول ائدیلمیش کیمی آچیقلاماق داعش ایله موباریزه‌یه ده ضرر وئره بیله‌جک سون درجه سهو حرکت‌دیر.
امریکانین تعهد لری و بیانات‌لارینا ضد اولان شکیلده پ.ی.د/ی.پ.گ ایله امکداشلیغین داوام ائتدیریلمه‌سیله میللی تهلوکه سیزلیگیمیزی و سوریه-نین تورپاق بوتؤو‌لوگونو تهلوکه ایله اوزلش‌دیرن بئله تشببوس‌لر اصلا قبول ائدیله بیلمز. بو سهو یاناشمادا تاکید ائدیلمه‌سینی قیناییر و تورکیه‌نین اؤلکه‌سینه یؤنلدیله‌جک هر نوع تهدیدی آرا‌دان قالدیرماغا قطعیت لی و گوجو اولدوغونو بیر داها خاطیرلادیریق".
قئید ائدک کی، امریکا باشچیلیغین‌داکی داعش علیهینه کوالیسیونون سؤزچوسو آلبای ریان دیللون سوریه-ده عمومی لیکده (آرخاسیندا پ.ی.د/پ.کا.کا اولان) سوریه دموکراتیک قوه‌لرین‌دن (SDG) عبارت و 30 مین نفردن تشکیل تاپا‌جاق "سرحد تهلوکه‌سیزلیک قوه‌لری" قورولاجاغینی آچیقلاییب.
دیللون "کوالیسیون یئنی "سوریه سرحد قوه‌لری" قورماق اوچون "سوریه دموکراتیک قوه‌لری" ایله بیرگه ایشلییر." ایفاده‌سیندن ایستیفاده ائتمیشدی.
