کرواسی جمهور باشقانی تورکیه-ده
جمهور باشقانی رجب طیب اردوغان کرواسی پرزیدنتی کیتاروویج ایله تشکیل ائتدیگی بیرگه مطبوعات کونفرانسیندا ایکی اؤلکه آراسینداکی علاقهلرله یاناشی ترورلا موباریزه مسئلهسینه ده توخوندو.
جمهور باشقانی رجب طیب اردوغان کرواسی پرزیدنتی کیتاروویج ایله تشکیل ائتدیگی بیرگه مطبوعات کونفرانسیندا ایکی اؤلکه آراسینداکی علاقهلرله یاناشی ترورلا موباریزه مسئلهسینه ده توخوندو.
جمهور باشقانی رجب طیب اردوغان قوناق پرزیدنت کیتاروویچ ایله ترورلا موباریزه مسئلهسینی ده موذاکیره ائتدیکلرینی و بو موضوع ایله علاقهلی اولاراق اونلارین دا فتو ترور تشکیلاتینین بالکان جوغرافیاسیندان کؤکونون کسیلمهسی اوچون فعالیتلری بیرگه داوام ائتدیرهجکلرینی دیله گتیردیکلرینی بیلدیردی.
ایکی اؤلکه آراسینداکی علاقهلرین یوکسک سویهده اولدوغونو وورغولایان اردوغان "بالکانلاردا باریش، ثابتلیک و ریفاهین یایغینلاشدیریلماسیندا کرواسی ایله امکداشلیغا اؤنم وئریریک. ایکی اؤلکهنین باشدا بالکانلار اولماقلا بولگه سل و اولوسلار آراسی پلاتفورمالاردا داها یاخین امکداشلیق ایچینده اولمالارینین بولگه سل باریش و ثابتلیگه خیدمت گؤسترجگینی دوشونورم. آوروپانین بوتؤوو ایله بولگه سل اویغونلوق و ایش بیرلیگینین گوجلندیریلمهسی ایستیقامتیندکی هدفلری بؤلوشوروق. ایکی اؤلکه آراسینداکی تیجارت حجمینین آرتیریلماسینی آرزو ائدیریک" دئیه قئید ائتدی.
همکاری کیتاروویچ ایله اطرافلی، فایدالی گؤروشلر کئچیردیکلرینی بیلدیرن اردوغان 2013-جو ایلین ژوئیه آیینین 1-دن بریدیر آوروپا بیرلیگینه عضو اولان کرواسی ایله آوروپا بیرلیگی موضوع لاریندا امکداشلیق ایمکانلارینی آرتیرما موضوع سوندا دا فیکیر موبادیلهسی آپاردیقلارینی دیله گتیردی.
اردوغان کیتاروویچ ایله قودس مسئلهسی، تورکیه- بوسنی و هرزگوین- کرواسی اوچ طرفلی مکانیزمین ایلک ییغینجاغینین کئچیریلمهسی موضوعسو ایله سوریه و عراق-دا داوام ائدن پروسئسی ده دیرلندیردیکلرینی بیلدیردی.
کرواسی پرزیدنتی کولیندا گرابار کیتاروویچ ایسه تورکیهنین آوروپا بیرلیگی یولوندا ایرهلیلمهسینین بیرلیگین ده خئیرینه اولدوغونو سؤیلهدی.
کیتاروویچ اؤلکهسینین تورکیهیه میلیونلارلا قاچقینین موختلیف ایمکانلارلا تامین ائدیلمهسینه گؤره میننتدارلیغینی دیله گتیردی و دئدی کی، تورکیهیه بیر داها گلدیگیم زامان قاچقین مرکزلریندن بیرینه باش چکمهیه اومید ائدیرم.
کئچن ایلین ایلک دوققوز آیینداکی تیجارت حجمینین سادهجه 350 میلیون یورو اولدوغونو قئید ائدن قوناق پرزیدنت جمهور باشقانی اردوغانین بیر میلیارد دولارلیق هدفینین مومکونلوگونو وورغولادی.