تورکیه، آمریکانی اویاردی
پ.ی.د/ی.پ.گ ایله بیر ساعاتلیق ایش بیرلیگی ده سون درجه ضررلی
![تورکیه، آمریکانی اویاردی](http://cdn.trt.net.tr/images/xlarge/rectangle/2ccd/e591/22c1/59e1b071c650a.jpg?time=1719278297)
تورکیه، بؤلوجو ترور هؤرگوتو پکاکانین سوریهدهکی قولو پ.ی.د/ی.پ.گ ایله بیر ساعاتلیق امکداشلیغین دا سون درجه ضررلی اولدوغو قونوسوندا آمریکالی یئتکیلیلری اویاردی.
خاریجی ایشلر باخانلیغی قایناقلاری، آمریکا رهبرلیگینین پ.ی.د/ی.پ.گ مسئلهسیندهکی توتومونو تنقید ائتدی.
آمریکانین متعادل داورانمادیغینی، اؤنجهکی یؤنتیم دؤورونده ده تعهدلار وئریلدیگینی آنجاق تکنیک سوییهده بو تعهدلارین یئرینه یئتیریلمهدیگینی بیلدیرهن خاریجی ایشلر قایناقلاری، آیریجا (پ.ی.د/ی.پ.گ ایله) گئچیجی ایش بیرلیگی حاقیندا وئریلن جاوابین اؤزلرینی قانع ائتمهدییگنی، پ.ی.د/ی.پ.گ ایله بیر ساعاتلیق ایش بیرلیگینین ده سون درجه ضررلی اولدوغونو، بو مسئلهده آمریکالی مقاملارین اویاریلدیغینی بیلدیردی.
قایناقلار آیرجا،
"پ.ی.د/ی.پ.گیه وئریلن سلاحلار بارهده بیلگی پایلاشیمی اولور آنجاق بو چوخ داها دقیق بیر پایلاشیم اولمالیدیر. مسئله، بو سلاح یاردیمینین بیزه تهدید اولاراق گئری قاییتماسیدیر. بو گئچیجی اورتاقلیغین نه زامان بیتهجگی بارهده بیزه سؤیلهنن دقیق بیر تاریخ یوخ. آمریکا بؤلگهیه گئدن تریلرلرین محدود بیر قیسمینین پ.ی.د/ی.پ.گیه گئتدیگینی، اؤنملی بیر قیسمینین ایسه اورادا اولان آمریکا قوشونلارینین احتیاجی اوچون گئتدیگینی بیلدیریر" دئییلدی.
خاریجی ایشلر باخانلیغی قایناقلاری آیریجا، روسیادا دوزنلنهجک اولوسال دیالوگ کنفرانسینین تاریخینین هله قرارلاشدیریلمادیغینی، سوریهلی کوردلرین مشروع گؤزلنتیلرینی عکس ائتدیرهبیلهجک اولانلارین بو کنگرهیه قاتیلماسیندا بیر پروبلئم اولمادیغینی آنجاک،ی.پ.گ/پ.ی.د ایله باغلانتیسی اولان ترور هؤرگوتلرینین یئر آلمایاجاغینی بیلدیردی.
قایتاقلار،
"سوریهده کوردلر البته اولمالی آنجاق ترور هؤرگوتلری اولمامالیدیر. یئنی سوریهده، رژیمین ده ایمضاسی اولمامالیدیر" دئدی.
ایلگیلیلی خبرلر
![فیدان چکلی همکاری ایله گؤروشهجک](http://cdn.trt.net.tr/images/medium/rectangle/f3a7/fb54/52ee/664f442c1ccb4.jpg?time=1719278297)
فیدان چکلی همکاری ایله گؤروشهجک
تورکیه خاریجی ایشلر ناظیری صاباح پایتاخت آنکارادا چکلی همکاری یان لیپاوسکی ایله گؤروشهجک.
![پکاکالی ۴ تروریست تاثیرسیز حالا گتیریلدی](http://cdn.trt.net.tr/images/medium/rectangle/0f58/61b4/d37d/5f800345c2e8d.jpg?time=1719278297)
پکاکالی ۴ تروریست تاثیرسیز حالا گتیریلدی
"تروریستلر اوچون قاچاجاق یئر یوخ، هئچ بیر یئر اونلار اوچون اعتبارلی دئییل"