کورتولموش:"10 آیدا 29.1 میلیون توریست تورکیهیه گلیب"
تورکیهنین مدنیت و توریزم ناظیری نومان کورتولموش آنتالیادا اولوسلار آراسی رسورت توریزم کنگره سینده چیخیش ائتدی.
تورکیهنین مدنیت و توریزم ناظیری نومان کورتولموش آنتالیادا اولوسلار آراسی رسورت توریزم کنگره سینده چیخیش ائتدی.
ناظیر چیخیشیندا بونلاری سؤیلهدی:"“آوروپاداکی سئچیملر زامانی قارشی ایشلهدیلن سیاست دیلی نظره آلینسایدی، 3 میلیون 336 مین آلمان توریست تورکیهیه گلمهمهلی ایدی. چوخ یوکسک سویهلردن دفعهلرله :"اصلا تورکیهیه گئتمهین. تورکیه تهلوکهسیز بیر اؤلکه دئییل" دئییلدی. بو خبردارلیقلارین آلمان وطنداشلارینا تأثیر ائتمهسی گؤزلنیلیردی. اما هر زامان سؤیله دیگیمیز شئی بیر داها اورتایا چیخدی:"سیاستین دیلی باشقادیر، توریزمین دیلی باشقادیر".
کورتولموش 10 آیدا 29.1 میلیون توریستین تورکیهیه گلدیگینی بیلدیرهرک:" کئچن ایلین 10 آیی ایله موقاییسه اولوندوقدا، تورکیهیه گلن توریست ساییندا 28% آرتیم موشاهیده اولونور. بو، بیزیم اوچون موهوم بیر نایلیتدیر. نه ائتسهلر ده، نه دئسهلر ده،تورکیه-نی تانییان، خالقین قوناقپرورلیگینی، مدنی زنگینلیگینی، تاریخی درینلیگینی بیلن آلمان توریستلر تورکیهیه گلمهیه داوام ائتدیلر" دئدی.
قئید ائدک کی، آلمانلار تورکیهیه ان چوخ گلن توریستلر سیاهیسیندا ایکینجی یئردهدیرلر.
ایلگیلیلی خبرلر
8-جی تورکیه-آلمانیا اقتصادیات گونو کئچیریلهجک
میین 4-ده آلمانیانین دوسلدورف شهرینده 8-جی تورکیه-آلمانیا اقتصادیات گونو کئچیریلهجک.