"هر سیلاح تورکیه‌یه یؤنلدیلمیش بیر تهدیددیر"
قالین: آرتیق پ.ی.د، ی.پ.گ ایله ایلیشکیلرینی سونلاندیرمانین زامانی گلمیش دئمک‌دیر
جمهورباشقانلیغی سؤزچوسو ابراهیم قالین، بؤلوجو ترور هؤرگوتو پ‌کاکانین سورییه قولو پ.ی.د/ی.پ.گ‌یه وئریلن هر سیلاحین تورکیه‌یه یؤنلدیلمیش بیر تهدید اولدوغونو دئدی.
ایستانبول‌دا تشکیل اولونان ۸.جی بوغازایچی ذیروه‌سینه قاتیلان قالین،
"بوگونه قدر بیزه ی.پ.گ‌یه، پ.ی.دیه وئردیکلری دستگین اساسی اولاراق داعش ایله مباریزه گؤستریردیلر. ایندی بو تهدید اورتادان قالخدیغینا گؤره آرتیق پ.ی.د، ی.پ.گ ایله ایلیشکیلرینی سونلاندیرمانین زامانی گلمیش دئمک‌دیر" دئدی.
۲۴ نوامبرداکی اردوغان-ترامپ تلفن گؤروشمه‌سین‌ده قونونون آیرینتی‌لی شکیل‌ده مذاکیره اولوندوغونو دئین ابراهیم قالین،
سایین ترامپ پ.ی.د و ی.پ.گ‌یه بون‌دان سونرا سلاح یاردیمی گؤندرمه‌یه‌جکلرینی آچیق شکیل‌ده ایفاده ائتدی اما آمریکا سیستمینی آز چوخ بیله‌نلر، هله مؤوجود قورولوشونو آز چوخ بیله‌نلر، هر حال‌دا بیر گون سونرا پنتاگونون وئردیگی آچیقلامانی تعجبله قارشیلامادیلار. تأسف کی، پنتاگون چیخیب ایچین‌ده پ.ی.د و ی.پ.گ‌نین اولدوغو سوریه دموکراتیک گوج‌لرینه دستک وئرمه‌یه داوام ائد‌جکلرینی آچیقلادی. بو البته بیزیم اوچون قبول ائدیله‌بیلیر بیر وضعیت دئییل" دئدی.
ابراهیم قالین،
چونکو پ.ی.د و ی.پ.گ‌یه وئریلن هر بیر سلاح، هر مرمی پ‌کاکا اوزرین‌دن تورکیه‌یه قارشی تهدید دئمک‌دیر. هانسی سببله اولورسا اولسون، پ.ی.د و ی.پ.گ‌یه وئریلن هر بیر دستک پ‌ککانین عمرونو اوزاتماق معناسینا گلیر. بیزیم بونو قبول ائتمه‌میز، هانسی ایضاحلا اولورسا اولسون، هئچ بیر شکیل‌ده مومکون دئییل" ایفاده‌لرینی قوللاندی.
