اردوغان ایله روحانی‌نین، سوچی شهرین‌دکی گؤروشمه‌سی سونا چاتیب
روسیانین ائو صاحیبلیگینده سوریه اوچون آنکارا، موسکوا و تهران ماسایا اوتورور
روسیادا اوچ لیدر سوریه‌نین گله‌جگینی موذاکیره ائدیر.
روسیانین ائو صاحیبلیگینده سوریه اوچون آنکارا، موسکوا و تهران ماسایا اوتورور.
جمهورباشقانی رجب طیب اردوغان ایله ایران‌لی همکاری حسن روحانی‌نین، سوچی شهرین‌دکی اؤن گؤروشمه‌سی سونا چاتیب.
ایکی لیدر، ایندی ده روسیا پرزیدنتی ولادیمیر پوتین ایله اوچلو ذیروه گئرچکلشدیره‌جک.
داها سونرا کئچیریله‌جک بیرگه مطبوعات کونفرانسینی بوتون دونیا ماراقلا گؤزلییر.
پرزیدنت اردوغان، روسیا پرزیدنتی ولادیمیر پوتین و ایران پرزیدنتی حسن روحانی داها سونرا آخشام یئمگینده بیر آرایا گله‌جک.
ساممیتده سوریه‌ده سیاسی حلّین برقرار اولماسی اوچون آتیلا‌جاق آددیم‌لار، زوراکیلیغین آزالدیلماسی اوچون گؤروله‌جک تدبیرلر، ترور تشکیلاتلارییلا موباریزه و اینسانی یاردیم‌لارین بؤلگه‌یه چاتدیریلماسی کیمی موضوعلار مذاکیره اولونا‌جاق.
سوچی‌ده لیدرلر ایجلاسی اؤنجه‌سی اوچ اؤلکه‌نین باش قرارگاه باشقانلاری دا بیر آرایا گلیب.
باش قرارگاه باشقانی ژنرال حولوصی آکار، روسیا باش قرارگاه باشقانی والری گراسیموو ایله ایکیطرف‌لی گؤروشمه کئچیریب.
آکار، ایران باش قرارگاه باشقانی ژنرال محمد باقری ایله ده بیر آرایا گلیب.
گؤروشمه‌لرده سوریه‌دکی امنیت پروبلم‌لری، ترور تشکیلاتلارییلا موباریزه‌ده امکداش‌لیق و سوریه‌ده یارادیلان چاتیشماسیزلیق بؤلگه‌لری موذاکیره اولونوب.
