1 تورک عسگری شهید اولدو
ژاندارمانین یئریتدیگی عملیات سیراسیندا بؤلوجو ترور هؤرگوتو منسوب‌لاری ایله چیخان چاتیشمادا، بیر عسگر شهید اولدو
وانین باش‌قالا ائلچه‌سینده، بؤلوجو ترور هؤرگوتو پ‌کاکا اویه‌سی تروریستلرله گوونلیک گوج‌لری آراسیندا چیخان چاتیشمادا 1 عسگر شهید اولدو، 2 عسگر یونگول یارالاندی.
والیلیکدن وئریلن آچیقلامادا، ائلچه‌نین اسن‌یاماچ محله‌سی اطرافیندا ژاندارمانین یئریتدیگی عملیات سیراسیندا بؤلوجو ترور هؤرگوتو منسوب‌لاری ایله چیخان چاتیشمادا، بیر عسگرین شهید اولدوغو، 2 عسگرین یونگول یارالاندیغی بیلدیریلدی.
آچیقلامادا، چاتیشمادا 3 تروریستن ائتکیسیز حالا گتیریلدیگی قید ائدیلدی.
بؤلگه‌ده خالقین راحت‌لیق و گوونلیگینی تامین ائتمه‌یه یؤنه‌لیک ترورلا مباریزه عملیاتلارینین قرارلی‌لیقلا داوام ائتدیریلدیگی وورغولانان آچیقلامادا،
"عملیاتدا قناصه نیشانچی توفنگی، آک-47 پیادا توفنگی، تاپانچا، 3 ال بومباسی، دیز اوستو بیلگی‌سایار، موبایل تلفن، فوتوگراف اپاراتی، داشینابیلیر آکومولاتور و خریطه اله گئچیریلمیش‌دیر" بیلگیسی وئریلدی.
