اردوغان، بی‌بی‌سی‌یه دانیشدی
"اگر آوروپابیرلیگی قبول ائتمه‌یه‌جیینی سؤیله‌سه تورکیه راحاتلار"
پرزیدنت رجب طیب اردوغان آوروپا بیرلیگی (آ.ب)نین تورکیه‌نین واختینی آلدیغینی سؤیله‌رک؛
"اگر آ.ب (عضو‌لوگو) قبول ائتمه‌یه‌جیینی سؤیله‌سه تورکیه راحاتلار" دئیه دانیشدی.
پرزیدنت اردوغان اینگیلیس یایین قورولوشو بی‌بی‌سی‌یه دانیشدی.
اردوغان، تورکیه‌نین اؤز آیاق‌لاری اوزرینده دورابیله‌جیینی ایفاده ائده‌رک؛
"بیز سؤزلریمیزه صادق اولدوق. اگر آ.ب آچیق بیر شکیلده تورکیه‌نی قبول ائده‌بیلمه‌یه‌جییک دئییرسه بو بیزیم اوچون راحاتلادیجی اولا‌جاق. ب و ج پلان‌لاریمیزی باشلاداریق" دئدی.
باشباخان‌لیغی‌نین ایلک دؤورونده تورکیه‌نین آوروپا بیرلیگی لیدئرلر ذیروه‌لرینده سس‌سیز دئوریم گرچکلشدیرمیش بیر اؤلکه اولا‌راق تانیملاندیغینی سؤیله‌ین اردوغان، "ایندی عینی آ.ب یالنیز بیزی لیدئرلر ذیروه‌سینه دعوت ائتممکله قالمیر، زامانیمیزی دا بوشا آلیر. ایندی وضعیت بو" دئدی.
اردوغان، تورک وطنداش‌لاری‌نین اکثریتی‌نین آ.ب‌یه گیرمک ایستمه‌دیگینی، آ.ب‌نین تورکیه‌یه قارشی توتومونون صمیمیت‌سیز اولدوغونو دوشوندوگونو قید ائتدی.
14 جولایدا بی‌بی‌سی وورلد نیوزدا یایینلاناجاق اولان دانیشیقدا اردوغان،
"بوتون بون‌لارا باخمایا‌راق، بیز قیسا بیر مدت داها آ.ب ایله صمیمی اولماغا داوام ائدجییک. بونون بیزه نه گتیرجیینی گؤرجییک" دئدی.
ایلگیلی‌لی خبرلر
8-جی تورکیه-آلمانیا اقتصادیات گونو کئچیریله‌جک
می‌ین 4-ده آلمانیانین دوسلدورف شهرینده 8-جی تورکیه-آلمانیا اقتصادیات گونو کئچیریله‌جک.
