چاووش اوغلو:"تورکیه ایله آوروپا بیرلیگی آراسیندا بؤیوک بیر ذیروه کئچیریلهجک"
خاریجی ایشلر ناظیری مؤلود چاووش اوغلو تورکیه ایله آوروپا بیرلیگی آراسیندا 24-25 می دا بؤیوک بیر ذیروه کئچیریله جگینی بیلدیردی.
خاریجی ایشلر ناظیری مؤلود چاووش اوغلو تورکیه ایله آوروپا بیرلیگی آراسیندا 24-25 می دا بؤیوک بیر ذیروه کئچیریله جگینی بیلدیردی.
ناتو چرچیوهسینده 24-25 می دا باش توتاجاق ییغینجاقدا آوروپا بیرلیگی لیدئرلری ده قاتیلاجاقلار. بورادا گؤروشلر کئچیریلهجک. داها سونرا ایسه بؤیوک ذیروه تشکیل ائدیلهجک.
خاریجی ایشلر ناظیری چاووش اوغلو اوزه ل تلویزیون کاناللاریندان بیرینده گوندمه دایر آچیقلاما وئرهرک دئدی کی، آوروپالی لیدئرلردن بعضیلری ناتو ذیروهسی چرچیوهسینده جمهور باشقانی رجب طیب اردوغان ایله ایکی طرفلی گؤروشلر کئچیرمک ایستییرلر. داها سونرا تورکیه ایله آوروپا بیرلیگی آراسیندا ذیروه کئچیریلمهسی ده گوندمه گله بیلر. حاضرلیقلار اوچون آوروپا متخصصلری تورکیهیه گلهرک واجیب اولان فعالیتلری گؤسترهجکلر.
تورکیهنین آوروپا بیرلیکی ایله پروبلئمینین اولمادیغینی ایفاده ائدن چاووش اوغلو اونو دا دئدی کی، سببسیز یئره نه اوچون دوشمن اولاق یاخود دا بیزیم آوروپانین بیزیم ده ایناندیغیمیز اورتاق دیرلری ایله نه اوچون پروبلئمیمیز اولسون؟ بونلار بیزیم ده دیرلریمیزدیر. دئموکراسی، اینسان حقوقلاری، آزادلیقلار هئچ کسین انحصاریندا اولان شئیلر دئییل. تک پروبلئم آوروپا بیرلیگینین یاناشماسیندادیر.