تورکیه رفراندومو دونیا مطبوعاتیندا
چوخ سایدا نشر قورولوشو، پرزیدنت رجب طیب اردوغانین دانیشماسینی سیمولتانه ترجومه ایله یایینلادی
![تورکیه رفراندومو دونیا مطبوعاتیندا](http://cdn.trt.net.tr/images/xlarge/rectangle/e32d/42f2/c537/58f4424a7ab22.jpg?time=1718473939)
دونن کئچیریلن پرزیدنتلیک حکومت سیستمینی ده ایچهرن آنایاسا دییشیکلیگی رفراندوموندا دونیانین گؤزو، قولاغی تورکیهدئیدی.
تورکیهدکی رفراندومو، دیگر بوتون خبرلرین اؤنونه کئچدی، خاریجی مئدیا اورقانلاری سس وئرمه آن به آن ایزلهدی.
چوخ سایدا نشر قورولوشو، پرزیدنت رجب طیب اردوغانین دانیشماسینی سیمولتانه ترجومه ایله یایینلادی.
آمریکان سی. ان. ان تلویزیونو، تورکیهدکی رفراندومونو ایلک خبر اولاراق وئردی.
خبری "اردوغان ظفرینی اعلان ائتدی" دئیهرک ائشیتدیرن سی. ان. ان، پرزیدنت اردوغانین مطبوعات توپلانتینی و خالقا خیطابینی جانلی اولاراق یایینلادی.
سی.ان. ان، آذربایجان، قطر، پاکیستان، مقدونیه، سعودی عربیستانی کیمی چوخ سایدا اؤلکهنین پرزیدنتی اردوغانی تبریک ائتدیگینه دقت چکدی.
اینگیلیس اجتماعی یایینچیسی بی.بی. سی ده ایلک خبر تورکیهدکی رفراندومی اولدو.
بی.بی.سی: تورکلر، پرزیدنت رجب طیب اردوغانین گئنیش پرزیدنتلیک مسئوللاری چاغیریشینا دستک وئردی. "بلی" اویو وئرنلر، پرزیدنت سیستمینه کئچمیین تورکیهنی مودرنلشدیرهجگینی سؤیلییر.
آنکارا و ایستانبولا جانلی باغلانتیلار ائدهرک پروسهسی تعقیب ائدن بی.بی.سی، نتیجهنین معین اولماسینین آردیندان پرزیدنت اردوغان و باش ناظیر بینالی ییلدیریمین ائتدیگی دانیشماغا گئنیش یئر آییردی.
نیو یورک تایمز قزئتی، پرزیدنت اردوغانین بوندان بئله آوروپایا قارشی ایزلیهجگی سیاستی دقت آلتینا آلدی.
نیو یورک تایمز؛
"آنالیستلر، اردوغانین بوندان بئله ایزلیهجگی سیاستی موضوعسوندا بؤلونموش وضعیتده. بعضی آنالیتیکلر، خالق اویلاماسیندان ظفرله چیخان اردوغانین آوروپایا قارشی یوموشایاجاغینی ساوونورکن، بعضیلری ایسه داها دا آغیرلاشاجاغی فیکیرینده. "دئیه بیلدیرمیشدیر.
اینگیلیس گاردین قزئتی، اردوغانین ظفر دانیشماسینین یومشاق توندا اولدوغو قیمتلندیرمهسینی ائتدی.
فرانسیز لو موند قزئتی، اینترنت سایتیندا خبری باشلیقدان وئردی، پرزیدنت اردوغان جبههسینین ظفرینی اعلان ائتدیگینی ائشیتدیردی.
آلمان اجتماعی ناشیری دویچه وله ده تورکیهدکی سئچیمی آنا صحیفهدن گؤردو.
اینترنت صحیفهسینده ان قاباقدا یئر آلان خبره گئنیش یئر آیریلدی.
ایسرایلده هاآرتض قزئتی ده پرزیدنت اردوغانین ظفرینی اعلان ائتدیگینی ائشیتدیردی.
قزئت، "بلی" اویو وئرنلرین، فتح اللهچی ترور تشکیلاتی پارالل دولت یاپیلانماسی (فتو / پ.د.ی)'نین 15 ژوئیهده خائین کودتا تلاشی سونراسی و ترور سالدیریلاری قارشیسیندا، باشقانلیغی ثابتلیک و ریفاه گتیرجگی اومودوندا اولدوغونو یازدی.
روس خبر آژانسی ایسپوتنیک، رفراندومیندا چیخان قرارین یئنی بیر دؤورون موژدهچیسی اولدوغونو یازدی.
روسیا دولت تلویزیونو روسیا تو دی، اردوغانین دیگر اؤلکهلره ائتدیگی "رفراندومونون نتیجهسینه حؤرمت گؤسترین" چاغیریسینا یئر وئردی.