بکیر بوزداغ: فتح الله گولن آمریکادان آیریلما حاضیرلیقلارینین سرعتلندیردی
آچیقلامادا، گولنین کانادایا قاچاجاغی ادعالارینا باغلی، میللی کشفیات تشکیلاتینین الینده جیدی معلوماتلار اولدوغونو و بو معلوماتلاری آمریکا عدلیه ناظیرلیگینه چاتدیریدکلارینی بیلدیردی
![بکیر بوزداغ: فتح الله گولن آمریکادان آیریلما حاضیرلیقلارینین سرعتلندیردی](http://cdn.trt.net.tr/images/xlarge/rectangle/9b52/1840/4dd7/58ad07bf92ea6.jpg?time=1719344512)
تورکیه عدالت ناظیری بکیر بوزداغ، فتح الله چی ترور تشکیلاتی (فتو)'نون آمریکادا ایقامت ائدن چته باشی فتح الله گولنین بو اؤلکهدن آیریلما حاضیرلیقلارینین سرعتلندیریلدیغینی سؤیلهدی.
بوزداغ، صاباح قزئتینه ائتدیگی آچیقلامادا، گولنین کانادایا قاچاجاغی ادعالارینا باغلی، میللی کشفیات تشکیلاتینین الینده جیدی معلوماتلار اولدوغونو و بو معلوماتلاری آمریکا عدلیه ناظیرلیگینه چاتدیریدکلارینی بیلدیردی.
بوزداغ،
"کانادادا بؤیوک بیر مزرعه اراضیسی آلدیقلارینی و بورایا کئچید اوچون حاضیرلیقلارا باشلادیغینی بیلیریک. آمریکا پرزیدنتی دونالد ترامپ رهبرلیگی ایش باشینا گلدیکدن سونرا کانادادا حاضیرلیقلار سورعتلندیریلدی. هارا گئدرسه گئتسین تورکیه آرخاسینی بوراخمایاجاق" ایفادهلرینی ایستیفاده ائتدی.
بکیر بوزداغ، اینگیلیزجه یایین ائدن دیلی صاباح قزئتینین آوروپا پارلامنتینده داغیتیمینین دایاندیریلماسینا باغلی اولاراق دا، بونون آرخاسیندا موطلق فتونون اولدوغونو ایفاده ائدهرک،
"چونکی دیلی صاباح اونلارین ماسکاسینی سالیر. فرقلی بیر گؤروشون دیله گتیریلمهسینه دؤزوم ائده بیلمهین بیر آروپا پارلامنتی باشقانی وار. فتو و پ.ک.ک ترور تشکیلاتلارینین تلقینلریله حرکت ائدیرلر. سونرا همیشه بیرلیکده تورکیه علیهینه فعالیت گؤستریرلر. فتو بعضی سیاستچیلره پول وئرهرک تورکیهنی اتهاملاندیرمالارینی تامین ائدیر." دئیه دانیشدی.