"میلتیمیزین بئله بیر مسئله‌سی یوخ‌دور"

پرزیدنت رجب طیب اردوغان، "جمهوریتدن گئری آددیم آتماغا چالیشان‌لارین، قارشی‌لاریندا هر کس‌دن اؤنجه میلتی و اؤزونو گؤره‌جک‌لرینی" سؤیله‌دی.

اردوغان، تورکیه‌نین 1923.جو ایلده جمهوریت اعلان ائده‌رک رژیم سئچیمینی ائتدیگینی خاطیرلاتدی.

اردوغان، جمهورباشقانلیغی کلیه‌سینده تشکیل ائدیلن 36.جی موختارلار ییغینجاغیندا دانیشدی.

اؤلکه و میلت اولا‌راق حساس گون‌لردن گئچیلن بیر دؤورده حیاتا گئچیریلن بو گؤروشمه‌لر اؤنمینی وورغولایان اردوغان،

"بیلین کی بو گؤروشمه‌لر بوتون دونیا‌دان تعقیب ائدیلیر. بورادا سیزینله تورکیه‌یه و دونیایا، سرگیله‌دیگیمیز بیرلیک، برابرلیک، دایانیشما گؤرونتوسویله وئردیگیمیز مئساژلارلا تاریخه ایز قویوروق" دئیه دانیشدی.

چیخیشیندا، آوریل آییندا گئچیریلمه‌سی پلان‌لاش‌دیریلان آنایاسا دییشیک‌لیگی قونولو خالق اویلاماسینا توخونان اردوغان،

"تورکیه 1923.جی ایلده جمهوریته گئچه‌رک رژیم سئچیمینی ائتمیش‌دیر، آرتیق میلتیمیزین بئله بیر مسئله‌سی یوخ‌دور" دئدی.

یئنی آنایاسانین بیر رژیم دییشیک‌لیگی هدفله‌دیگی ادعا‌لارینا سرت چیخان اردوغان،

"تورکیه‌نین بئله بیر پروبلئمی یوخ. جمهوریتدن گئری آددیم آتماغا چالیشان‌لار، قارشی‌لاریندا هر کس‌دن اؤنجه میلتیمیزی و میلتیمیزله بیرلیکده شخصیمی گؤره‌جک" شکلینده دانیشدی.