چاووش اوغلو: " امریکانین قاتیلماسیندا روسیا ایله هم فیکیریق"
تورکیه‌نین خاریجی ایشلر ناظیری مولود چاووش اوغلو قازاخیستانین پایتاختی آستانادا کئچیریله‌جک سوریه موذاکیره‌لرینده آمریکانین قاتیلیمی موضوع سوندا روسیا ایله هم فیکیر اولدوق‌لارینی سؤیله‌دی.
تورکیه‌نین خاریجی ایشلر ناظیری مولود چاووش اوغلو قازاخیستانین پایتاختی آستانادا کئچیریله‌جک سوریه موذاکیره‌لرینده آمریکانین قاتیلیمی موضوع سوندا روسیا ایله هم فیکیر اولدوق‌لارینی سؤیله‌دی.
چاووش اوغلو سوریه دانیشیقلارینا بیرلشمیش میللت‌لر تشکیلاتی‌نین، تورکیه‌نین، روسیانین، ایرانین و آمریکانین قاتیلماسی‌نین بو آندا دقیقلشمه مرحله‌سینده اولدوغونو وورغولادی.
خاریجی ایشلر ناظیری دونن آنکارادا وئردیگی آچیقلامادا آستانا موذاکیره‌لری‌نین 23 ژانویه ده کئچیریله‌جگی‌نین پلانلاشدیریلدیغینی بیلدیردی.
متخصصلرین بو تاریخ‌دن اول آستانادا توپ‌لاشا‌جاق‌لارینی دیله گتیرن چاووش اوغلو: "تورکیه، روسیا و ایران بیر آرایا گله‌جک" دئدی.
چاووش اوغلو سوریه‌ده آتشکه‌سی پوزان‌لارا وئریله‌جک جزا‌لارلا علاقه‌دار سندین حاضیرلانما مرحله‌سینده اولدوغونو قئید ائده‌رک:"تأسف کی، هله ده رئژیم و بعضی قروپ‌لار طرفین‌دن پوزونتولارین اولدوغونو گؤروروک. حتی بعضان هاوا هوجوم‌لاری دا اولور. لاوروف لا دوننکی تلفون گؤروشونده ده بونو تکرار خاطیرلاتدیم. سیز ده ضامن اولا‌راق اوزرینیزه دوشنی ائدین. رئژیمین ایمضالادیغی رازیلاشما سندی‌نین ضامنی روسیا‌دیر. دیگر طرف‌دن ایران ایله علاقه‌دار دا عینی شئی‌لری سؤیلییریک. هر کس اوزرینه دوشن وظیفه‌نی یئرینه یئتیرسین. بیز اؤزریمیزده دوشن وظیفه‌نی یئرینه یئتیریریک. موخالیفین آتشکه‌سه عمل ائتمه‌سی اوچون مصلحت‌لر وئریریک" دئدی.
بولوجو ترور تشکیلاتی پ.کا.کا-نین سوریه قولو اولان ی.پ.گ-نین قطعی اولا‌راق آستانا موذاکیره‌لرینه قاتیلمایاجاغینی وورغولایان چاووش اوغلو: " بیر ترور تشکیلاتی‌نین موذاکیره ماساسیندا اولماسینی بیز قبول ائده بیلمریک و بونا ایجازه وئرمریک. بو موضوع داکی حساسیتیمیزی دوستوموز روسیا دا چوخ یاخشی بیلیر و بئله بیر اصرارلاری دا یوخ‌دور" دئیه دانیشدی.
ایلگیلی‌لی خبرلر
اردوغاندان آوروپا گونو مئساژی
"آوروپا بیرلیگینین ایلیشکیلریمیزی چیخمازا آپاران سیاست و ایفاده‌لردن قاچینماسی حیاتی اؤنمه صاحبدیر"
